P5B sa AFP modernization bigay ng US-Balita

P5B sa AFP modernization bigay ng US

Ang Pilipinas ang pinakamalaking recipient ng U.S. military assistance sa rehiyon na umaabot sa bilyun-bilyong piso, sumusuporta sa AFP modernization sa pamamagitan ng iba’t ibang programa at inisyatiba, inilahad ng United States Embassy.

Sa isang pahayag kasunod ng pagbisita sa bansa ni US Assistant Secretary of Defense for Asian and Pacific Security Affairs Randall G. Schriver, sinabi ng US Embassy na sa mga nakalipas na taon naghatid ang United States ng milyun-milyong dolyar na halaga ng mga eroplano, barko, armored vehicles, at maliliit na armas sa Pilipinas, at nagsasanay kasama ang mga tropang Pinoy.

Nakasaad dito na mula Enero 1, 2017 hanggang sa kasalukuyan, pinondohan ng U.S. grants ang delivery ng military equipment na nagkakahalaga ng mahigit P5 bilyon ($95 milyon) para sa AFP.

Nitong Huwebes nakipagpulong si Schriver kay Defense Secretary Delfin Lorenzana at tinalakay nila ang full range bilateral defense at military issues.

Layunin din ng pagbisita na palakasin pa ang US commitment sa Indo-Pacific region at sa Pilipinas, na malapit na kaibigan, kasangga, at kaalyado.

“This was my first visit to the Philippines as Assistant Secretary of Defense, so this was a good opportunity for me to meet with the leadership here,” ani Schriver nang kausapin ang mga mamamahayag sa US Embassy sa Manila. “It’s an honor for us to be considered a friend, partner, and ally of the Philippines.”

Sinabi ni Schriver na kabilang sa mga paksang tinalakay nila ni Lorenzana ang counter-terrorism, regional security sa South China o West Philippine Sea, at ang modernisasyon ng Armed Forces of the Philippines.

GOOD ALLY

Tiniyak ni Schriver na sakaling puwersahang kunin ng China ang PAGASA island sa Pilipinas, magiging mabuting kaalyado ang US.

“We’ll be a good ally, and we’ll help the Philippines respond accordingly and beyond that I wouldn’t get into specifics,” aniya.

Sa isyu ng West Philippine Sea, iginiit ni Schriver na patuloy ang kampanya ng US para sa freedom of navigation. “We’ll fly/sail and operate where international law allows, if queried by any particular party.” aniya

-FRANCIS T. WAKEFIELD

Empleyadong lasing, patay matapos sapakin ng ginising na katrabaho

Patay ang lasing na empleyado mula sa Kananga, Leyte matapos umanong sapakin ng kaniyang kasamahan sa trabaho na pinagmalasakitan lang gisingin, Linggo, Disyembre 22.Ayon sa ulat ng News5, pauwi na raw sana mula sa Christmas party ang lasing na biktima nang makita niya ang natutulog na suspek sa gymnasium.Nilapitan daw ng biktima ang suspek upang gisingin ito, at nang marinig daw na may tila ibang...

Romina, patuloy na kumikilos patungong Southern Kalayaan Islands

Patuloy pa rin ang pagkilos ng Tropical Depression Romina patungo sa Southern Kalayaan Islands, ayon sa 5 PM update ng Philippine Atmospheric, Geophysical and Astronomical Services Administration (PAGASA) nitong Linggo, Disyembre 22.Sa tala ng PAGASA, huling namataan ang bagyong Romina sa coastal waters ng Rurok Island, Kalayaan, Palawan sa labas ng Philippine area of responsibility (PAR).Taglay...

Romina, napanatili ang lakas habang kumikilos patungong Southern Kalayaan Islands

Napanatili ng bagyong Romina ang lakas nito habang kumikilos pahilaga patungo sa Southern Kalayaan Islands, ayon sa update ng Philippine Atmospheric, Geophysical and Astronomical Services Administration (PAGASA) nitong Linggo ng hapon, Disyembre 22.Sa tala ng PAGASA dakong 2:00 ng hapon, huling namataan ang Tropical Depression Romina 290 kilometro ang layo sa timog na bahagi ng Pag-asa Island,...