P7.7B mungkahing proyekto para sa Western Visayas-Balita

Ni PNA

NAKATANGGAP ang Department of Trade and Industry (DTI) ng mungkahing P7.7 bilyong mga proyekto sa ilalim Road Leveraging Linkages for Industry and Trade (ROLL IT) para sa taong 2019.

Ayon kay DTI Western Visayas Regional Director Rebecca Rascon, maraming proposal na natatanggap ang ahensya dulot na rin ng malawakang orientation tungkol sa proyekto.

Ang ROLL IT ay pinagsamang proyekto ng DTI at ng Department of Public Works and Highways (DPWH), na ayon kay Rascon ay “road projects connecting industries to the national road” kaya mas mapapabilis ang proseso ng pagdadala ng produkto sa mga pamilihan.

Kasalukuyan nang pinag-aaralan ang mga mungkahi sa pamumuno ng central technical working group na binubuo ng DTI, DPWH at mga expert sa industriya mula sa Maynila.

Nang matanggap ang mga mungkahi, ayon kay Rascon, agad umanong pinag-aralan ng regional office ng DTI, DPWH at industry expert ang mga dokumento upang malaman kung malapit ang mga ito sa lugar kung saan matatagpuan ang industriyang prayoridad ng ahensiya. Kabilang sa anim na prayoridad ng DTI ay ang industriya ng kape, cacao, kawayan, coco-based products, processed foods, wearable at mga gamit para sa bahay.

Tiningnan din ng mga direktor ng DTI at DPWH ang “necessity at importance” ng mga inihaing proyekto.

Siniguro rin ng ahensiya na hindi madodoble ang pondo lalo’t may mga road projects din ang Deparment of Tourism sa ilalim naman ng Tourism Road Infrastructure Program (TRIP).

Nagtapos nitong Biyernes ang balidasyon ng mga mungkahing proyekto at inaasahan maibibigay na agad ng CTWG ang kanilang obserbasyon na susundan ng deliberasyon sa mga inihaing proyekto.

Nilinaw naman ni Rascon na hindi tiyak kung mapopondohan ang lahat ng proyektong inihain kaya, “spot checking whether what we are endorsing is really true”.

Sa P7.7 bilyong proposal, pinakamalaki ang inihain ng Iloilo na may P3.478 bilyon para sa 17 proyekto.

Sinundan ito ng Capiz, na mayroong 1.51 bilyon para sa 11 proyekto; Antique, P1.44 bilyon para sa anim na proyekto; Guimaras, P696 milyon para sa 16 na proyekto; Aklan, P410 milyon para sa limang proyekto; at Negros Occidental, P173 milyon para sa isang proyekto.

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...