Patay ang dalawang katao matapos bumangga ang kanilang tricycle sa isang SUV sa Airport Avenue sa Barangay Bengcag, Laoag City, Ilocos Norte.
Kinilala ang mga biktimang sina Jhonfferson Domingo, 17; at Jaylord Gagarin, 15, parehong taga-Bgy. 47, Bengcag, Laoag City.
Dakong 1:15 ng umaga nitong Sabado nang magkabanggaan ang Isuzu Crosswind, na minamaneho ni Leand Mao, 18, ng Bgy. 7-B, Laoag City, at ang tricycle na minamaneho ni Domingo.
Nagtamo ng matinding sugat ang dalawang binatilyo at kapwa dead on arrival sa ospital.
Probinsya
OFW na hinoldap, inundayan ng saksak sa terminal sa Maynila, nakauwi na ba sa pamilya?
Nasa kustodiya na ng pulisya si Mao. - Liezle Basa Iñigo
