LAL-LO, Cagayan - Hindi na umabot nang buhay sa ospital ang isang lalaki matapos na masagasaan ng Toyota Hilux sa national highway ng Barangay San Lorenzo sa Lal-lo, Cagayan.
Ayon sa impormasyon, bigla umanong tumawid si Jeremias Cabanaya, 44, nang masalpok ng puting Hilux (ASA-8346) na minamaneho ni William Hipol, 61, ng Bgy. Tumog, Luna, Apayao dakong 7:30 ng umaga kahapon.
Naaresto si Hipol, at ang Hilux ay nakarehistro sa Department of Public Works and Highways (DPWH) sa Bgy. San Isidro Sur, Luna, Apayao. (Liezle Basa Iñigo)
Probinsya
