LA PAZ, Tarlac - Pitong katao ang iniulat na naospital makaraang magkasalpukan ang dalawang tricycle sa La Paz-Victoria Road sa Barangay Guevarra, La Paz, Tarlac, nitong Martes ng madaling araw.
Kinilala ni PO2 Jamal Laza ang mga nasugatang sina Jayson Aguspit, 27, driver ng Honda TMX 155 motorized tricycle (QK-4118); Ekisa Aguspit, 29; Sean Aguspit, 4; Sharina Magbag, 27, pawang taga-Bgy. Macalong; at Magie Estigoy, 24, ng Bgy. Matayumtayum, La Paz, Tarlac.
Sa panig ng Honda RS 125 motorized tricycle (RC-5750) ay nasugatan din ang driver na si Jeddulo Amurao, nasa hustong gulang; at pasahero niyang si Angelito Amurao, 62, kapwa taga-Bgy. Guevarra, La Paz, Tarlac. (Leandro Alborote)
Probinsya
