Nasa kustodiya ng Las Piñas City Police ang isang estudyanteng Nigerian na umano’y nanuntok ng pasahero sa bus sa Las Piñas City, nitong Miyerkules ng gabi.
Si Gogo Luke Smith, 31, ng Bacoor, Cavite, ang itinuturong nanakit kay Dominador Portis.
Sa inisyal na ulat ng pulisya, bandang 8:30 ng gabi nangyari ang insidente sa loob ng bus habang binabaybay ang Alabang-Zapote Road, Barangay Pamplona, Las Piñas City.
Bigla umanong nagwala ang suspek sa hindi batid na dahilan at sinugod ng suntok si Portis.
National
Amihan, easterlies, nakaaapekto sa bansa – PAGASA
Nagpapatrulya naman sa lugar ang mga pulis nang mamataan ang komosyon sa loob ng bus.
Mabilis na rumesponde ang awtoridad at inaresto si Smith saka idiniretso sa pulisya upang isailalim sa imbestigasyon. (Bella Gamotea)
