IPINAMALAS ng 8th edition titlist Sacred Heart School-Ateneo de Cebu ang porma na nagluklok sa kanila sa kampeonato may dalawang taon na ang nakalilipas nang padapain ang AusPinoy One Solutions,79-49,kahapon sa pagbubukas ng 10th NBTC League National High School Championships sa MOA Arena sa Pasay City.
Umiskor ng 21-puntos, limang rebound, isang assist at dalawang steals si Vincent Velasco habang nag-ambag ng double-double – 15 puntos at 10 rebound – si Rolly Pastor upang pamunuan ang Cebuanos.
Nagtapos namang may tig-13 puntos sina sina Jasper Ronday at James Cabban para pamunuan ang Fil-Australian
Iginupo ng St. Roberts International School- Iloilo ang St. John the Loving School ng Magazine, 74-65.
'Pikon daw?' UAAP fan na nag-dirty finger, agaw-eksena sa San Juan Arena!
Sa isa pang laro, inilampaso ng Ateneo de Davao ang New Ormoc City National High School, 80-33.
Nagposte ng 17 at 16 puntos sina Kalen Doromal at Joshua Barrientos, ayon sa pagkakasunod para sa Davaoeños.
(Marivic Awitan)
