DALLAS (AP) – Kailangan ni German star Dirk Nowitzki na makaiskor ng 20 puntos para mapabilang sa ‘elite list’ ng NBA All-time scoring champion. Laban sa batang Los Angeles Lakers, natupad ni Nowitzki ang inaasam na marka.
Mula sa kanyang signature fade-away jump shot, naisalpak ng one-time NBA champion at MVP ang ika-20 puntos para tanghaling ikaanim na player sa kasaysayan ng NBA na nakaiskor ng 30,000 career points.
Nakasama ang 38-anyos na German superstar sa grupo na kinabibilangan nina Hall-of-Famer Kareem Abdul-Jabbar, Michael Jordan, Wilt Chamberlain, Karl Malone at Kobe Bryant.
Kinumpirma ni Nowitzki na handa pa siyang sumabak sa kanyang ika-20 season sa NBA sa susunod na taon. Naglaro si Nowitzki sa ikaanim na pagkakataon bilang starter matapos ma-sideline dahil sa problema sa Achilles. Tangan niya ang averaged 13.6 puntos, at 6.4 rebound sa loob ng 34 laro.
KILALANIN: Sino si ‘Punch’ at bakit siya kinaantigan ng netizens?
Kung matutuloy ang planong paglalaro sa susunod na season, mapapantayan ni Nowitzki ang record ni Bryant sa Los Angeles.
“Twenty is a great number,” pahayag ni Nowitzki.
“I think 20 seasons also with one team, like I’m trying to do it -- I think only Kobe has done it -- that’s another great accomplishment. So I kind of want to make the 20 fold. Plus that summer I’m turning 40. I think that’s also a good number to be in the league ... from 20 to 40.
“That’s what I’m looking at. Hopefully I’ll finish this season out strong, and then have a decent year, hopefully not as (many) injuries next year,” aniya.
