Tatlong katao, kabilang ang isang abogado, ang nadakip ng pulisya at ng Philippine Drug Enforcement Agency (PDEA) habang nagpa-pot session sa Balingasag, Misamis Oriental, kahapon.
Bitbit ang search warrant, naaresto ng mga operatiba ng PDEA-Region 10 at ng Regional Intelligence Division ng Police Regional Office (PRO)-10 si Atty. Michael Roa, pamangkin niyang si Johnrey Roa, at live-in partner nito na si Justin Fontanella, sa Barangay 5, Balingasag.
Nakumpiskahan umano ng ilang sachet ng hinihinalang shabu, ang abogado ay kapatid ni Balingasag Mayor Marietta Roa-Abogado, na anak ni dating Mayor Porferio Roa at pinsan ng dating gobernador na si Cagayan de Oro City Mayor Oscar Moreno. (Fer Taboy)
Probinsya
