Mayroon pang pasabog si dating Pangulong Fidel V. Ramos laban kay Pangulong Rodrigo Duterte.
Ayon kay Senator Panfilo Lacson, may ‘part two’ pa ang puna at batikos ng dating Pangulo at nalaman niya ito nang magkita ang dalawa sa selebrasyon ng Taiwan National Day.
“We were together last night at Taiwan National Day. Sabi ko, ‘Sir, parang galit ka yata.’ Sabi niya ‘you wait for Part 2’. I don’t know what it is. I don’t know. I don’t know if he said that in jest or may meaning. Basta sabi niya sa akin, you wait for Part 2. So parang he’s not done yet,” ayon kay Lacson.
Magugunita na sinabi ng dating Pangulo kamakailan na “huge disappointment and letdown” ang unang 100-days ni Duterte.
50.78% examinees, pasado sa Nov. 2024 Licensure Exam for Agriculturists
Dahil dito, pinayuhan ni Lacson si Duterte na makinig sa payo ng dating Pangulo. (Leonel M. Abasola)
