Ipagpapatuloy ng San Miguel Beer ang kampanya sa OPPO-PBA Governors Cup na may bagong import sa katauhan ni Michael Singletary.
Wala pang pormal na pahayag ang pamunuan ng SMB, ngunit kinumpirma ni agent/manager Sheryl Reyes nitong Biyernes sa kanyang Twitter account
@FemaleAgentSR na dumating na sa bansa si Singletary para palitan si AZ Reid.
“Welcome to San Miguel Beer,” ayon sa Twitter message ni Reyes.
'Pikon daw?' UAAP fan na nag-dirty finger, agaw-eksena sa San Juan Arena!
Hindi kinumpirma o itinanggi ni coach Leo Austria ang planong palitan si Reid hindi dahil sa nagtamo ito ng injury kundi sa problema sa paguugali nito.
Hindi na bagito si Singletary sa PBA dahil nakapaglaro na ito sa kampo ng Barako Bull noong 2012-2013 season kung saan naitala niya ang average 33.3 puntos at 12.8 rebound sa 10 laro.
Kabilang si Singletary sa Mighty Sports-Philippine Team na nagkampeon sa Jones Cup sa Taipei
