Nanindigan ang Letran Squires at Chiang Kai Shek College Blue Dragons sa kani-kanilang laro nitong Linggo sa junior division ng 14th Fr. Martin Division 2 Cup basketball tournament sa St. Placid gym sa San Beda College-Manila campus.
Hataw si Adriane Magada, anak ni dating Philippine Basketball League standout Mar Anthony Magada, sa natipang 17 puntos para sandigan ang 81-69 panalo ng Squires kontra Makati Gospel College.
Nagsalansan si Rafael Toribio ng 11 puntos sa 88-60 dominasyon ng Blue Dragons sa San Beda Red Kittens, 88-60.
Mag-asawang hindi nakapagtapos ng pag-aaral, pinagtapos naman ang 9 na anak!
Magkasalo ang Squires at Blue Dragons sa pangunguna sa Group A tangan ang parehong 2-0 karta.
Sa iba pang laro, ginapi ng San Beda-A ang Centro Escolar University-A, 57-50, para sa ikalawang panalo sa Group B senior division.
Nagwagi naman ang San Beda-B sa CEU-B, 58-50, habang nanaig ang Mary the Queen College kontra University of Perpetual Help-Molino, 70-51; pinabagsak ng Jose Rizal University-B ang Adamson University, 64-54, para sa 1-1 karta at nakopo ng Arellano University ang 61-53 panalo kontra Diliman Preparatory School.
Nginata ng National University Bullpups ang Far Eastern University Tamaraws, 64-56, sa Group B ng junior contest, habang nagwagi ang Rich Montessori via default sa University of Santo Tomas.
Nagtumpok ng 18 puntos si Jade Talampas para sandigan ang San Beda-Rizal kontra Adamson, 78-74.
