NEW JERSEY (AP) – Patuloy ang matikas na kampanya ni Pinay Yuka Saso nang gapiin si Dana Williams, 1 up, para makausad sa US Girls Junior Amateur Championships nitong Miyerkules (Huwebes sa Manila) sa Ridgewood Country Club sa Paramus, New Jersey.

Pumasok sa Round of 32 ang Filipina-Japanese golfer, agaw-atensiyon nang gapiin ang mga pro sa Eagle Ridge Invitational sa Ladies Philippine Golf Tour. Makakaharap niya si Grace St. Germain ng Canada, nagwagi kontra Muni He ng China, 6 and 5.

Nakaabante rin si Pinay Annika Cedo nang gapiin si Conner Beth Ball, 1 up, para maisaayos ang duwelo kay Jing Wen Lu ng China, namayani kay Annike Kim, 5 and 4.

Naungusan naman ni Lois Kaye Go sa All-Pinay duel ang kababayang si Pauline del Rosario. Sunod niyang makakalaban si Yujeong Son ng Korea, nagwagi kay Mika Liu ng US, 1-up.

'Pikon daw?' UAAP fan na nag-dirty finger, agaw-eksena sa San Juan Arena!

Samantala, sa US Junior Amateurs, umusad din sa Round of 32 si WeiWei Gao ng Cebu City nang magwagi kay Brendan Hansen ng US, 3 and 2.

Makakaharap niya si Joseph Chun ng South Korea, nagwagi kay Kyle Vance ng US, 5 and 4.