PEÑARANDA, Nueva Ecija - Pitong tama ng bala sa katawan ang ikinasawi ng isang 60-anyos na lalaki makaraan siyang pagbabarilin ng motorcycle riding-in-tandem sa Purok 6, Barangay Sto. Tomas sa bayang ito, nitong Huwebes ng tanghali.
Kinilala ng Peñaranda Police ang biktimang si Regino Peña y Lajom, alyas “Puti”, binata, tricycle driver, at residente ng nasabing lugar, na agad na nasawi.
Sa imbestigasyon nina PO3 Reynante Basilio at PO1 Jeffrey Pineda, dakong 12:10 ng tanghali nitong Huwebes at nagpapahinga ang biktima nang biglang sumulpot ang magkaangkas sa motorsiklo at walang sabi-sabing pinagbabaril si Peña, na lulan sa isang Kawasaki CT-100 Bajaj na walang plaka.
Ayon sa record ng pulisya, si Peña ay nasa watch list ng drug personalities ng Peñaranda Police. (Light A. Nolasco)
