Sa sobrang galit dahil sa ginagawang pambu-bully sa kanya, nagdilim ang paningin ng isang construction worker at pinagsasaksak ang kanyang kapitbahay sa Navotas City, kahapon ng madaling araw.
Agaw-buhay ngayon sa Tondo Medical Center si Victor Pintura, 24, residente ng Daang Hari, Navotas, dahil sa tinamong pitong saksak sa iba’t ibang bahagi ng katawan.
Kusang loob namang sumuko sa mga pulis si Regen Rodrigo, 20, na ngayon ay nahaharap sa kasong frustrated homicide.
Ayon sa report, dakong 4:00 ng umaga nang makasalubong ni Pintura si Rodrigo sa Daang Hari at at muling na-bully ng una ang suspek.
Politics
Dalawang Tulfo brothers, nanguna sa survey ng senatorial race
Sa galit ni Rodrigo, kumuha siya ng kitchen knife sa bahay at pinagsasaksak si Pintura.
“Sobra na ‘yung ginagawa n’ya sa akin (suspek), nakakalalaki na, eh,” ani Rodrigo. (Orly L. Barcala)
