BAMBAN, Tarlac - Matagumpay na nalambat ng mga tauhan ng Bamban Police ang isang kilabot na drug pusher sa buy-bust operation sa Barangay Lourdes, Bamban, Tarlac.
Sa ulat ni SPO1 Reslydindo Meimban, inaresto sa buy-bust si Bryan Gomez, alyas Negro, 29, may asawa, waiter sa Matchis Videoke Bar, at residente ng Riverside, Bgy. Lourdes, Bamban, Tarlac.
Nakuha sa posisyon ng suspek ang isang transparent plastic sachet may hindi pa matiyak na gramo ng shabu kapalit ng P500 marked money, limang nakarolyo na aluminum foil, improvised tooter, lighter, at iba pang drug paraphernalia.
(Leandro Alborote)
Probinsya
