Dalawang katao ang namatay sa pagsabog ng isang improvised explosive device (IED) sa isang rubber plantation sa Sumisip, Basilan, kamakalawa ng hapon.

Ayon sa Sumisip Municipal Police, nangyari ang pagsabog sa MARBEDCO rubber plantation sa Barangay Manggal.

Kinilala ang mga biktima na sina Boy Balal, supervisor ng plantasyon; at isang alyas “Undah”, kasapi ng Special Civilian Armed Auxiliary (SCAA).

Nabatid na rumoronda sa loob ng rubber plantation ang mga biktima kasama ang iba pang tauhan nang biglang sumabog ang bomba.

Probinsya
Tinatayang 132,000 pamilya, lumikas sa Eastern Visayas dahil sa super typhoon Pepito

Tinatayang 132,000 pamilya, lumikas sa Eastern Visayas dahil sa super typhoon Pepito

Inaalam pa ng mga awtoridad kung anong klaseng IED ang ginamit na pagpasabog sa lugar at kung sino ang nasa likod nito. - Fer Taboy