FOLLOW-UP ito sa sinulat namin na buong ningning na sinabi ni Kiray Celis na siya ang leading lady ni Derek Ramsay sa pelikulang Love is Blind mula sa Regal Entertainment sa direksiyon ni JP Laxamana at nakatakdang ipalabas sa 2016.

Hindi kasi kami talaga naniniwalang siya nga ang leading lady ni Derek sa halip na si Solenn Heussaff na kasama rin sa movie.

Hanggang sa may napagtanungan kaming taga-Regal Entertainment at kinumpirma nga na si Kiray ang leading lady ni Derek. Bakeeet?

'Iconic women!' Pinakamalaki at pinakamaliit na babae sa buong mundo, nagkita!

“Eh, kasi sirena si Solenn, so paano magkakatuluyan ang tao at sirena?” pambubuking na sabi sa amin.

‘Yun naman pala, oo nga naman, kaya pala Love Is Blind ang titulo kasi si Kiray ang leading lady ni Derek.

Speaking of Derek and Solenn, gaano katotoo na super sweet at ang saya-saya ng dalawa kapag nagkikita sa set ng Love is Blind?

Ex-lovers ang dalawa at aminado si Derek na great love niya si Solenn na may ibang boyfriend na ngayon kaya hindi makaporma ang hunk actor na naging panuntunan na sa buhay na ayaw niyang manggulo ng relasyon ng may relasyon.

Pero aminado naman daw ang aktor na kung sakaling single si Solenn ay babalikan niya ito kahit na wala pa siyang record na bumabalik sa ex-girlfriend.

Anyway, naniniwala kaya si Derek na love is blind? Posible kayang magkagusto siya sa isang tulad ni Kiray?