AUBURN HILLS, Mich. (AP) – Sa pagpapakita niya ng kanyang all-around game, nabasag ni LeBron James ang NBA record ni Scottie Pippen para sa career assists ng isang forward nang kanyang makitang bukas si Kevin Love para sa isang 3-pointer laban sa Detroit Pistons kahapon.
Nahawakan ni Pippen ang top mark na 6,135 mula nang maungusan niya si John Havlicek noong 2004.
Napantayan ito ni James sa kanyang alley-oop pass kay Timofey Mozgov sa second quarter.
Tatlong minuto ang nakalipas, naitala niya ang 6,136 sa kanyang naging pasa kay Love, na nagtapos na mayroong walong 3-pointers para sa 24 puntos sa 102-93 panalo ng Cavaliers.
Dalawang Tulfo brothers, nanguna sa survey ng senatorial race
Sina Larry Bird at Kevin Garnett ang iba pang bumubuo sa top 5.
Tangan din ni James ang single-season record para sa assists ng isang forward sa kanyang 651 noong 2009-10. Nabasag niya ang record ni Havlicek na 614.
