Disyembre 13, 1950 nang lumabas ang American actor na si James Dean sa commercial ng Pepsi sa United States. Napanood sa nasabing commercial ang noon ay
hindi pa kilalang aktor na sumasabay sa pagsayaw kasama ang iba pang mga kabataan malapit sa isang jukebox, at tumutugtog ng piano. Ito ang unang trabaho ni Dean bilang aktor at tumanggap siya ng $30.
Enero 1951, nagdesisyon si Dean na ipagpaliban ang kanyang pag-aaral sa kolehiyo, at nagsimula siyang dumalo sa mga drama workshop na pinamunuan ni James Whitmore. Matapos noon ay marami na siyang ginampanang papel.
Taong 1955, naging sikat si Dean para sa teenage revolution. Siya ay lumabas sa pelikulang “Rebel Without A Cause,” kung saan gumanap siya bilang isang palaaway na teenager na kilala bilang Jim Stark.
