BILING-BALIGTAD-Balita

BILING-BALIGTAD

Laging sinasabi ng isa nating kapatid sa media na siya ay nag-aatubili sa pagtungo sa sementeryo kung Undas. Hindi dahil sa ayaw niyang masilayan ang puntod ng kanyang mga magulang at iba pang kamag-anak, kundi dahil sa katotohanan na ang kanyang pinakamamahal sa buhay ay hindi nalibing sa sementaryo kundi sa karagatan; kabilang siya sa libu-libong pasahero ng isang dambuhalang barko na lumubog sa dagat dahil sa malagim na kalamidad maraming taon na ang nakalilipas.

Ang pangitaing ito ay laging sumasalimbay sa kanyang gunita, kaakibat ang pagpupuyos ng kalooban sapagkat hindi pa nalalapatan ng katarungan ang kanyang mahal sa buhay. Hanggang ngayon ay tiyak na biling-baligtad pa sa kanyang kinaroroonan. At tiyak na ganito rin ang nadadama ng iba pang kapatid natin sa media na buong-kalupitang pinatay sa nakakikilabot na Maguindanao massacre.

Mahigit na 30 mamamahayag ang sabay-sabay na pinagbabaril at tinabunan sa isang madawag na kagubatan sa pamamagitan ng isang backhoe. Dahil sa usad-pagong na paggulong ng hustisya, ang mga naulila nating mga kapatid sa propesyon ay patuloy na nag-aalab ang kalooban; kinukondena ang katarungan na tila binubulag ng salapi at kapangyarihan.

Totoo na ang ilang suspek ay nakakulong at patuloy namang nililitis ang mga asunto. Subalit hanggang kailan maghihintay ang mga biktima ng karumal-dumal na masaker na tiyak ding nagbibiling-baligtad sa kanilang libingan. Kabilang na rito ang iba pa nating kapatid sa media na wala ring awang pinaslang dahil sa pagtupad ng isang makabuluhang misyon; tulad ng isang haligi ng peryodismo – si Bubby Dacer – na pinatay at sinunog pa ang bangkay sa utos umano ng tampalasang makapangyarihan.

Hindi marahil kalabisang banggitin na ako man ay nag-aatubili rin sa pagdalaw sa libingan ng aking kapatid na biktima ng tinaguriang ‘noon-time massacre’. Siya at tatlong iba pa ay pinaslang sa utos ng isa ring buhong na lingkod-bayan.

Habang tayo ay umaasam pa rin ng katarungan, ipagpamisa na lamang natin ang kaluluwa ng ating mahal sa buhay.

PBBM admin, nagsisilbing ‘totoong kalamidad’ sa ‘Pinas – Maza

Iginiit ni Makabayan President at senatorial aspirant Liza Maza na ang pamahalaan umano ni Pangulong Ferdinand “Bongbong” Marcos Jr. ang totoong kalamidad dahil sa mga programa nito sa bigas at pagkain na tinawag niyang “palpak.”Sa isang pahayag nitong Lunes, Disyembre 23, kinondena ni Maza ang naunang ulat ng Department of Agriculture (DA) na posibleng umabot sa 4.7 million metric tons...

4.5-magnitude na lindol, yumanig sa Surigao del Norte

Isang magnitude 4.5 na lindol ang yumanig sa probinsya ng Surigao del Norte nitong Lunes ng hapon, Disyembre 23, ayon sa Philippine Institute of Volcanology and Seismology (Phivolcs).Sa tala ng Phivolcs, nangyari ang lindol na tectonic ang pinagmulan dakong 2:21 na hapon.Namataan ang epicenter nito 42 kilometro ang layo sa hilagang-silangan ng General Luna, Surigao del Norte, na may lalim na 10...

Dalawang Tulfo brothers, nanguna sa survey ng senatorial race

Nanguna ang magkapatid na sina Ben at Erwin Tulfo sa inilabas na resulta ng senatorial survey ng OCTA research kamakailan. Batay sa Tugon ng Masa survey ng OCTA, nanguna si ACT-CIS Partylist Representative Erwin Tulfo matapos makakuha ng 73% preference. Sinundan naman siya ng kaniyang kapatid at senatorial aspirant na si Ben Tulfo na nakakuha ng 66%. Samantala, 9 naman mula sa 12 miyembro ng...