Maaring siya ang may pinakamababang iniiskor sa tinaguriang Big Three ng University of Perpetual Help, ngunit tiyak naming naide-deliver ni Harold Arboleda ang kanyang mga puntos sa mga sandaling kailangang-kailangan ito ng Altas.
Ang tinaguriang workhorse ng Altas sa ginaganap na NCAA Season 90 basketball tournament ay pangatlo lamang pagdating sa scoring sa kanyang team sa kanyang average na 13.5 points,kasunod nina Juneric Baloria (21.2), at Earl Thompson (16.4).
Ngunit noong nakaraang Lunes, ipinakita ni Arboleda na lagi syang maasahan ng kanyang koponan sa pamamagitan ng kanyang ipinakitang kabayanihan sa endgame para pangunahan ang Las Piñas-based dribblers sa 76-75 na pag-ungos sa defending champion San Beda Red Lions.
50.78% examinees, pasado sa Nov. 2024 Licensure Exam for Agriculturists
Bagamat umiskor lamang ng siyam na puntos sa nasabing laban, naibuslo naman ni Arboleda ang anim sa nasabing puntos sa final period kabilang na ang dalawang winning free throws.
Dahil dito, walang pag-aatubili ang NCAA Press Corps para igawad sa kanya ang parangal bilang ACCEL Quantum-3XVI Player of the Week.
Tinalo ni Arboleda na nagdiwang ng kanyang ika-24 na kaarawan noong Setyembre 9 sina Keith Agovida ng Arellano Univeristy at Jaycee Asuncion ng Jose Rizal University para sa naturang lingguhang citation na suportado ng Bactigel hand sanitizer, Doctor J Mighty Alcohol at Mighty Mom Dishwashing.
Kasunod nito ay naipanalo din ng Alta sang sumunod nilang laro sa pamamagitan ng forfeiture kontra Emilio Aguinaldo College Generals noong nakaraang Biyernes na naging dahilan upang umangat sila sa barahang 10-6 kapantay ng Heavy Bombers.
Bunga nito, lumakas ang kanilang tsansa na makahabol sa Final Four round na ayon kay Arboleda ay hindi nila sasayangin.
“Aakyatin namin ang pinakamataas na bundok para marating namin ang Final Four,”anang nag-iisang pick ng Talk ‘N Text sa nakaraang PBA Rookie Draft.
