Kiko sa panalo ng mama niya: 'Cavite has decided, the Barzaga Dynasty wins again!'-Balita

Kiko sa panalo ng mama niya: 'Cavite has decided, the Barzaga Dynasty wins again!'

Ipinagdiwang ni dating Cavite 4th District Rep. Francisco “Kiko” Barzaga ang pagkapanalo ng kaniyang ina na si Dasmariñas City Mayor Jennifer “Jenny” Austria-Barzaga sa special election para sa congressional seat ng distrito.

Sa kaniyang social media post noong Linggo, Agosto 30, matapos ang halalan, diretsahang sinabi ni Kiko, “Cavite has decided, the Barzaga Dynasty wins again!”

Photo courtesy: Screenshot from Ex-Congressman Kiko Barzaga/FB

Kalakip ng kaniyang pahayag ang hashtag na #Barzaga2028.

Ang post ay ginawa matapos ideklara si Jenny bilang panalo sa halalang isinagawa noong Sabado, Agosto 29, para punan ang puwestong nabakante niya matapos siyang patalsikin sa Kamara, dahil sa patong-patong na ethics complaints laban sa kaniya.

Nakakuha si Jenny ng 201,893 boto, malayo sa kaniyang pinakamalapit na katunggali na si dating Dasmariñas Vice Mayor Raul Rex Rosario Mangubat, na nakakuha ng 30,373 boto. Sinundan naman siya nina dating konsehal Jacinto Frani Jr. na may 24,350 boto, Marvin Dupal-ag na may 1,184 boto, at Leysander Ordenes na may 561 boto.

Nag-iwan din siya ng pasaring kay Mangubat, sa isa pang Facebook post.

"Kung nagtrabaho lang si Rex Mangubat noong Vice Mayor siya edi sana mas marami ang nakuha niyang boto! Ipon muna lods, laban ulit sa 2028," aniya.

Photo courtesy: Screenshot from Ex-Congressman Kiko Barzaga/FB

Matapos ang pagkapanalo ni Jenny, isa pang miyembro ng pamilya Barzaga ang inaasahang aakyat sa isang posisyon sa lokal na pamahalaan. Si Vice Mayor Elpidio “Third” Barzaga III, isa pa sa mga anak ni Jenny, ang nakatakdang sumalo sa pagka-alkalde ng Dasmariñas kapag umupo na sa Kamara ang kaniyang ina.

Maki-Balita: Barzaga pa rin! Ermats ni Kiko Barzaga, waging kongresista sa Cavite

Maki-Balita: KILALANIN: Ang bagong kongresista ng Dasmariñas na si Jenny Barzaga

Samantala, si Kiko ay unang naging kinatawan ng Cavite 4th District noong Hunyo 2025. Ngunit noong Hunyo 2, 2026, tuluyan siyang pinatalsik ng House of Representatives matapos aprubahan ang rekomendasyon ng Committee on Ethics and Privileges sa botong 265 pabor, 14 tutol at 8 abstention.

Maki-Balita: Sa botong 265-14-8: Kiko Barzaga, tuluyan nang sinipa sa Kamara!

Ang pagpapatalsik kay "Congressmeow" ang naging dahilan upang mabakante ang puwesto at maisagawa ang special election sa Dasmariñas.

Alang-alang sa susunod na henerasyon: VP Sara, ibinida tree planting sa Surigao del Sur

Pinangunahan ni Vice President Sara Duterte ang isang tree-planting activity sa Bigaan National High School sa Barangay Bigaan, Hinatuan, Surigao del Sur, bilang bahagi ng kaniyang kampanya para sa pangangalaga ng kalikasan. Sa Facebook post noong Linggo, Agosto 30, ibinahagi ni VP Sara na isinagawa ang pagtatanim ng mga puno noong Hulyo kasama ang mga kawani ng Office of the Vice President...

Paalala ni Tarriela sa Heroes' Day: ‘Wag magpadala sa mga chinongaling!’

Nagbigay ng paalala si Philippine Coast Guard (PCG) Spokesperson Jay Tarriela kaugnay sa pag-alala sa sakripisyo ng mga bayaning Pilipino. Sa latest Facebook post ni Tarriela nitong Lunes, Agosto 31, hinimok niya ang mga kababayan na tindigan kung ang pag-aari ng Pilipinas. “Sa paggunita sa sakripisyo at kabayanihan ng ating mga bayani, tindigan natin ang kung ano ang sa atin at ’wag tayong...

Death toll ni 'Luis,' 'Maymay,' 'Neneng,' at habagat, 33 na!—OCD

Kinumpirma ng Office of Civil Defense (OCD) nitong Lunes, Agosto 31, na pumalo na sa 33 ang mga nasawing indibidwal matapos ang pananalasa ng Bagyong Luis, Maymay, Neneng, at southwest monsoon o habagat sa malaking bahagi ng bansa. Ayon sa ulat ng Manila Bulletin, na nakabatay sa datos ng OCD, aabot naman sa 19 ang naitalang injured, habang tatlo ang nawawala pa rin. 2.5 milyong pamilya, o 8.8...

Kiko sa panalo ng mama niya: 'Cavite has decided, the Barzaga Dynasty wins again!'

Kiko sa panalo ng mama niya: 'Cavite has decided, the Barzaga Dynasty wins again!'

Inirerekomendang balita

Alang-alang sa susunod na henerasyon: VP Sara, ibinida tree planting sa Surigao del Sur

Paalala ni Tarriela sa Heroes' Day: ‘Wag magpadala sa mga chinongaling!’

Death toll ni 'Luis,' 'Maymay,' 'Neneng,' at habagat, 33 na!—OCD

Features

Opinyon

Kiko sa panalo ng mama niya: 'Cavite has decided, the Barzaga Dynasty wins again!'

Kiko sa panalo ng mama niya: 'Cavite has decided, the Barzaga Dynasty wins again!'

Nagsaluhan! Isa pang anak ni Jenny Barzaga, papalit sa kaniya bilang mayor ng Dasma

Inirerekomendang balita

Alang-alang sa susunod na henerasyon: VP Sara, ibinida tree planting sa Surigao del Sur

Paalala ni Tarriela sa Heroes' Day: ‘Wag magpadala sa mga chinongaling!’

Death toll ni 'Luis,' 'Maymay,' 'Neneng,' at habagat, 33 na!—OCD

Features

Opinyon