Tiniyak sa publiko ni Lanao del Sur 1st district Representative at House Prosecutor Zia Alonto Adiong na handa raw silang tumalima sa magiging desisyon ni presiding officer Senator-Judge Chiz Escudero sa darating na Lunes, Agosto 17, 2026.
Kaugnay ito sa naging pagpuna ni defense lead counsel Atty. Sheila Sison noong Miyerkules, Agosto 12, 2026, sa naging pagpo-post umano ni private prosecutor Atty. Amando Virgil Ligutan habang umuusad ang Senate impeachment trial.
“A principle [all] lawyers and law students know by heart: Misleading questions are [not] allowed even on cross-examination,” ani Ligutan.
Kaugnay ito sa naging pagtatalo nina private prosecutor Atty. Lorna Kapunan at Atty. Kristine Ferrer, mula sa defense panel, tungkol sa kung maaaring “yes” or “no” lang daw ang isagot ng testigo sa cross-examination, at usapin sa misleading questions.
KAUGNAY NA BALITA: Atty. Sison, binanatan pagpo-post ni Atty. Ligutan sa gitna ng impeachment trial!
Bato na naging bakal pa? Matibag, nilinaw operasyon sa Davao City!
Sa naging pahayag naman ni Adiong sa ikinasa nilang press conference nitong Biyerne, Agosto 14, idiniin niyang dapat daw na maging pantay ang pagtingin ng Korte sa mga pinahihintulutan at hindi nito pinahihintulutan habang umuusad ang impeachment trial.
Ani Adiong, halimbawa raw ng naging pagsasabi ni Vice President Sara Duterte na may nagaganap daw na “bending of the law” sa impeachment trial, na malinaw naman umano na insulto sa integridad ng Korte ng mataas na hukuman sa Kongreso.
“Pero wala po tayong naririnig na kung paano, at least, ma-admonish ang defense panel para pagsabihan ang respondent na huwag niyang iinsultuhin o bibigyan ng any statement that would weaken the integrity of the impeachment court,” aniya.
Tirada ni Adion, handa naman umano silang tumalima o sumunod sa Korte pero dapat daw na kondenahin din ang kinikilos ng iba pang miyembro ng impeachment trial.
Partikular daw sa pagpo-post ng isang senator-judge noon ng spliced video umano laban sa isang kasamahan nila sa prosecution na si Akbayan Partylist Rep. Chel Diokno.
“Pero I think it’s fair to say na may mga statements and mga spliced videos na lumabas, which actually contradicts the very principle why the Senate has to maintain its impartiality,” aniya.
KAUGNAY NA BALITA: Akbayan kay Sen. Pia: 'Abogadong may argumentong pilipit, sa spliced video kumakapit!'
Dagdag pa niya, “On the part of the Vice President, she has mentioned about bending the law. Which actually opposes the very foundation which the court needs to hold itself. The integrity of the court.”
Ani Adiong, insulto o pinapababa raw ng inilatag niyang mga pangyayari ang integridad ng Senate impeachment court.
“Kasi para po sa amin, insulto po ‘yan. At dine-degrade po ang integridad ng impeachment court,” pagtatapos pa niya.
Samantala, habang sinusulat ito, wala pa namang inilalabas na pahayag, tugon, o reaksyon ang kampo ni VP Sara at ni Sen. Pia kaugnay rito.
KAUGNAY NA BALITA: Atty. Ligutan, tumiradang walang binanggit na pangalan sa kaniyang post!
KAUGNAY NA BALITA: Prosecution, nanindigang 'walang nakitang masama, sinabing 'di totoo’ si Atty. Ligutan
