Nilinaw ng private prosecutor na si Atty. Lorna Kapunan na “figurative” lang daw ang pagsasabi niya ng “spanking” o gusto niyang paluin si Atty. Kristine Ferrer mula sa defense panel.
Sa naging cross-examination kasi ni Ferrer sa testigong State Auditor sa Intelligence and Confidential Funds Audit Office (ICFAO) ng Commission on Audit (COA) na si Xylene del Campo nitong Miyerkules, Agosto 12, 2026, tila uminit ang tensyon sa pagitan ng naunang abogado at ni Kapunan kaugnay sa usapin ng misleading question sa Korte.
Ani Kapunan, pinipigilan daw niya ang kaniyang sarili na paluin si Ferrer.
“I am preventing myself from giving her a spanking, Your Honor. That is what I would have done in the generational divide, Your Honor,” ‘ika niya.
Sa naging paliwanag naman ni Kapunan nang makapanayam siya ng media nito ring Miyerkules, sinabi niyang “figurative” lang daw ang pagkakasabi niya sa salitang “spanking” o pagnanais na paluin si Ferrer.
Atty. Sison, binanatan pagpo-post ni Atty. Ligutan sa gitna ng impeachment trial!
“Syempre figurative ‘yon. Alangan namang pumunta pa ako doon tapos bubugbugin ko. Hindi naman,” pagsisimula niya.
Diin ni Kapunan, may punto naman daw si presiding officer at Senator-Judge Chiz Escudero na dapat siyang magkaroon ng pasensya dahil baka mayroon daw generational o experience gap sa pagitan nila ni Ferrer.
“I think the point of the presiding officer is a call for more patience on my part. Tama naman siya, there is a generational gap… There [was] also a gap of experience. 48 years na ako sa practice, I have no idea what her practice is,” tirada niya.
“She did say that ang practice niya ay Court of Tax Appeals hindi naman litigation. So, yeah, let’s give more patience,” pagtatapos pa niya.
Samantala, habang sinusulat ito, wala pa namang inilalahad na tugon o reaksyon si Ferrer kaugnay sa paliwanag na ito ni Kapunan.
KAUGNAY NA BALITA: Atty. Kapunan sanay raw sa disrespect, binuweltang rumespeto si Atty. Ferrer!
KAUGNAY NA BALITA: KILALANIN: Sino si Atty. Lorna Kapunan ng prosecution panel?
KAUGNAY NA BALITA: KILATISIN: Si Atty. Kristine Ferrer, abogado sa defense team ni VP Sara
