Sen. Ping 'happy' sa big win nina Sen. Kiko, Sen. Bam noong 2025 elections!-Balita

Sen. Ping 'happy' sa big win nina Sen. Kiko, Sen. Bam noong 2025 elections!

By Mc Vincent Mirabuna

July 25, 2026

Inihayag ni Sen. Panfilo “Ping” Lacson na masaya siya sa naging malaking pagkapanalo nina Sen. Francis “Kiko” Pangilinan at Sen. Bam Aquino sa naganap na midterm elections noong 2025.

Bago nito, nauna nang balikan ni Pangilinan sa kaniyang social media post nitong Sabado, Hulyo 25, 2026, ang mababang rating na nakuha niya sa Senate election survey na inilabas ng Pulse Asia Research, Inc., noong Abril 2025.

Aniya, mahalagang hindi siya bumitaw at mano-mano pang nakipagbakbakan hanggang sa dulo bago mangyari ang naturang eleksyon, dahilan para manalo pa raw sila ni Aquino, ng Akbayan Partylist at Mamamayang Liberal (ML) Partylist.

KAUGNAY NA BALITA: ‘Malayo pa 2028. Walang bibitiw!’ Sen. Kiko, inalala pagkaligwak sa 2025 senatorial survey

Sa naging komento naman ni Lacson sa post ni Pangilinan, partikular sa “X,” nito ring Sabado, sinabi niyang masaya siya para sa huli at kay Aquino sa naging malaking pagkanalo ng mga ito kahit na magkakaiba raw sila ng alyansa sa politika.

“Yes, Sen Kiko. We may have run under different alliances, but I am happy that you and Sen Bam not only made it but won strong and big,” ani Lacson.

Diin niya, isang “snapshot” ng partikular na panahon lang daw sa preperensya ng mga botante ang mga resulta ng survey at wala na raw itong iba pang bigat.

“That being said, surveys are nothing but snapshots of voters’ preferences during specific timeframes,” pagtatapos niya.

Samantala, agad na pinasalamatan ni Pangilinan si Lacson at sumasang-ayon daw siyang isang “snapshot” lang ang survey results at maaari umano itong magbago sa isang iglap.

“Thank you for your kind words Sen. Ping. Yes a snapshot indeed and in an electoral landscape wherein digital technology makes it possible for content online to be viewed by tens of millions overnight, then it is quite possible that millions of votes can either be gained or lost,” tugon ni Pangilinan.

KAUGNAY NA BALITA: Sen. Robin, no. 1 bet ng Pinoy bilang senador sa 2028—Pulse Asia survey

KAUGNAY NA BALITA: Sen. Bong Go, Sen. Robin Padilla nangunguna sa VP preference survey—Pulse Asia

‘Never gonna happen!’ VP Sara, walang balak mag-resign sa posisyon!

Mariing iginiit ni Vice President Sara Duterte na wala siyang planong magbitiw sa kaniyang posisyon sa kabila ng kinahaharap na impeachment proceedings sa Senado. Sa pakikipagpulong sa Filipino community sa London nitong Linggo, Hulyo 26 (araw sa Pilipinas), sinabi ng Bise Presidente na nananatili siyang tapat sa mandatong ipinagkatiwala sa kaniya ng milyon-milyong Pilipino. “Never gonna happen....

8-anyos na namatay matapos hatawin ng notebook sa Davao City, hindi na ipapa-autopsy!

Tumanggi ang pamilya ng walong taong gulang na batang babae na nasawi matapos umanong masaktan sa loob ng isang pampublikong paaralan sa Davao City, na ipa-autopsy pa ang mga labi ng bata. KAUGNAY NA BALITA: Grade 3 pupil, patay sa sapak ng mga kaklase sa Davao City! Ayon sa ina ng biktima, wala silang sinisisi sa nangyaring trahedya dahil pawang mga bata rin ang sangkot sa insidente. “Sa...

SONA o SANA? Sen. Alan Peter Cayetano, magsasagawa ng Kontra-SONA

Nakatakdang magbigay si Senate Minority Leader Alan Peter Cayetano ng kaniyang kontra-State of the Nation Address (kontra-SONA) sa Martes, Hulyo 28, isang araw matapos ang ikalimang State of the Nation Address (SONA) ni Pangulong Ferdinand 'Bongbong' Marcos Jr. sa Lunes, Hulyo 27. Ang kontra-SONA ay isang matagal nang tradisyon sa Senado kung saan inilalahad ng lider ng minorya ang...