Nangunguna si Sen. Robin Padilla sa hanay ng senatorial preference ng mga Pilipino sa darating na 2028 national elections, batay sa lumabas na resulta sa survey ng Pulse Asia Research, Inc.
Sa inilabas na “Ulat ng Bayan” national survey ng Pulse Asia nitong Miyerkules, Hulyo 22, 2026, makikitang nangunguna ang pangalan ni Padilla sa hanay ng mga senador na posibleng manalo sa 2028.
Ayon sa Pulse Asia, isinagawa nila ang kanilang survey fieldwork mula noong Hunyo 28 hanggang Hulyo 3, 6, 2026 sa pamamagitan ng face-to-face interview sa kabuuang 2,400 umanong mga indibidwal sa buong bansa na may edad 18-anyos pataas.
Anang Pulse Asia, 17 daw na mga posibleng senatorial candidates ang nagkaroon ng statistical na pag-asang manalo sa susunod na halalan sa kabila ng kabuuang 53 na bilang ng iba pang indibidwal na posible ring tumakbo sa naturang posisyon.
Diin nila, karamihan daw sa mga posibleng manalo bilang senador sa 2028 ang mga dati na o kasalukuyang nanunungkulan bilang mga mambabatas.
Atty. Taran ng KWF, panatag sa epekto ng AI data centers sa mga katutubong wika
Nangunguna rito ang pangalan ni Padilla na may 48.4% voter preference percentage at rank 1st at 2nd sa naturang listahan.
Sumunod sa pangalan ni Padilla si Pasig City Mayor Vico Sotto na may 47.9% voter preference percentage at nasa rank 1-3, habang ikatlo naman si Sen. Raffy Tulfo na may 43.9% voter preference percentage at nasa rank 2-5 sa 2028 senatorial preferences.
Photo courtesy: Pulse Asia Research Inc.
Sumunod sa mga nabanggit na may higit na mataas umanong pag-asang manalo bilang senador sa 2028 ay sina:
Sen. Alan Peter Cayetano
Sen. Loren Legarda
Dating Sen. Manny Pacquiao
Makati City Mayor Nancy Binay
DepEd Sec. Sonny Angara
Sen. Mark Villar
Ben Tulfo
Sen. Jinggoy Estrada
Willie Revillame
Sen. Chiz Escudero
Dating congressman Mike Defensor
Dating Sen. Mar Roxas
Cabinert Sec. Benhur Abalos, Jr.
Mark Lapid
KAUGNAY NA BALITA: Tumaas ng +2! 58% ng mga Pilipino, kuntento pa rin kay VP Sara—SWS
