Ipinagkaloob ng Boy Scouts of the Philippines (BSP) ang kanilang pinakamataas na parangal sa isa sa mga nasawing mag-aaral sa malagim na shooting incident sa San Jose National High School, Tacloban City, noong nakaraang Lunes, Hunyo 22.
Sa mensahe ng BSP noong Biyernes, Hunyo 26, iginawad nila sa mag-aaral na si Scout Chris Lorenz T. Fabian ang “Gold Gallantry and Heroism Award,” dahil sa katapangang ipinamalas niya sa kasagsagan ng pamamaril sa kanilang paaralan.
“The Boy Scouts of the Philippines solemnly confers the Gold Gallantry and Heroism Award, posthumously, upon Scout Chris Lorenz T. Fabian. It is our highest, most sacred tribute—born of a moment where extraordinary courage met absolute danger, and selflessness triumphed over fear,” pagkilala ng BSP.
Anila pa, sa kabila ng panganib, pinili ni Fabian na unahing isaalang-alang ang kaniyang duty bilang isang scout member, at bagama’t nasawi siya sa murang edad, tiniyak ng BSP na ang pagsasakripisyo ni Fabian ay mananatiling inspirasyon sa mga susunod pang henerasyon.
“When destiny demanded everything, Chris did not hesitate. His final act was not just a reflection of the Scout Oath; it was its ultimate manifestation. In the face of peril, he stood as a shield, choosing service and duty to others above his own survival. Though his flame was extinguished far too soon, the light of his sacrifice will forever pierce the darkness, inspiring generations of Scouts to walk with unyielding honor and fierce bravery,” saad ng BSP.
Lalaki naputulan ng ilong matapos tagain ng anak ng kainuman niya!
“The brotherhood of Scouting bows its head. One final, enduring Scout Salute to you, Scout Chris Lorenz T. Fabian. Your name is written in honor, your courage is eternal, and you will never, ever be forgotten,” dagdag pa ng BSP bilang pagsaludo kay Fabian sa huling pagkakataon.
Samantala, matatandaang iginawad din sa mag-aaral ang titulong “Pride of Pampanga” ng Pampanga local government unit (LGU) bilang pagkilala rin sa kaniyang pagsasakripisyo at malasakit sa mga kapwa mag-aaral.
MAKI-BALITA: Nasawing mag-aaral sa shooting incident sa Tacloban, idineklarang ‘Pride of Pampanga’
KAUGNAY NA BALITA: ‘Rest easy, Brother:’ BSP, nagpugay sa estudyanteng nagbuwis ng buhay sa Tacloban City
KAUGNAY NA BALITA: #BalitaExclusives: Estudyante sa Tacloban na isinakripisyo ang sarili para sa mga kaklase, binigyang-pugay ng guro!
