'Ipagdasal nating 'wag magpatiwakal!' Sen. Ping, binira si Sen. Alan-Balita

'Ipagdasal nating 'wag magpatiwakal!' Sen. Ping, binira si Sen. Alan

By Mc Vincent Mirabuna

June 20, 2026

Bumuwelta si Sen. Panfilo “Ping” Lacson laban sa naging pahayag ni Sen. Alan Peter Cayetano na isa raw siyang “aso” at idiniin ng naunang ipagdasal ng publiko ang huli upang hindi raw ito makaisip na magpatiwakal.

Matatandaan kasing nauna nang tumirada si Cayetano noong Biyernes, Hunyo 19, na tuta raw ng Palasyo sina Senate President Pro Tempore Vicente “Tito” Sotto III at Sen. Raffy Tulfo habang tuta naman daw ng asong si Lacson si Sen. Erwin Tulfo.

“But doon po makikita ‘yong graduated and experienced. Bakit? Kasi si Sen. Tito Sotto and Sen. Raffy Tulfo, at least sila tuta ng Malacañáng,” banat ni Cayetano.

Dagdag pa niya, “Sabi noong iba, kung sasabihin mong tuta, ano si Sen. Lacson? Hindi na po tuta si Sen. Lacson. Aso na po siya.”

KAUGNAY NA BALITA: Sen. Alan, binirang ‘tuta ng Malacañáng’ si Tito Sen at Sen. Raffy; Sen. Ping, aso raw!

Sa naging tugon naman ni Lacson sa pamamagitan ng pag-reply niya sa naturang balita ng nasaad ni Cayetano noon ding Biyernes, Hunyo 19, pinatutsadahan niyang kawawa naman daw ang huli dahil kung ano-ano na raw ang sinasabi nito.

“Kawawa naman. Kung anu-ano na sinasabi. Parang malapit nang bumigay,” pagsisimula niya.

Ani Lacson, huwag daw sanang tuluyang “mag-meltdown” o matunaw si Cayetano at ipagdasal daw sana ng publiko ang kapuwa senador na huwag maisip na tapusin ang kaniyang buhay.

“Sana hindi matuluyang mag meltdown. Ipagdasal natin na huwag makaisip magpatiwakal,” tirada niya.

Sa karadagan pang reply ni Lacson sa naturang isyu nito namang Sabado, Hunyo 20, hindi raw siya kailanman tatanggapin na isa siyang “aso” at binuwelta niya “Kuya Ping” naman daw ang tawag sa kaniya ni Cayetano, tila raw “self-admission” ang tawag sa turing sa kaniya ng huli.

“ASO? I WILL NEVER ADMIT THAT. Pero, siya - Kuya Ping ang tawag niya sa akin - matagal na… SELF-ADMISSION yata ang tawag dun,” pagtatapos ni Lacson.

Samantala, habang sinusulat ito, wala pa namang inilalabas na pahayag, tugon, o reaksyon si Cayetano kaugnay rito.

KAUGNAY NA BALITA: 'Magaling naman sila mang-intriga eh!' Sen. Alan, bumanat sa patutsada sa kaniya ni Sen. Ping

KAUGNAY NA BALITA: ₱700 milyong pondo, naaksaya sa liderato ni Sen. Alan—Sen. Ping

Sen. Mark Villar naghain ng resolusyon para parangalan si Alex Eala

Naghain si Sen. Mark Villar ng Senate Resolution No. 507 upang bigyang-pugay at kilalanin ang Filipina tennis sensation na si Alexandra “Alex” Eala dahil sa kanyang natatanging tagumpay at mahalagang ambag sa larangan ng palakasan sa bansa. Sa naturang resolusyon, pinuri ni Villar ang makasaysayang pagtakbo ni Eala sa 2026 Wimbledon Championships, kung saan siya ang naging kauna-unahang...

Lalaking 'di masaway sa maingay na tambutso, hinataw ng kawayan sa ulo!

Sa ospital ang diretso ng isang 25 taong gulang na lalaki matapos siyang hatawin ng kawayan sa ulo ng isang kagawad sa kanilang lugar sa Ilocos Sur. Ayon sa pulisya, sinaway ng 55 taong gulang na kagawad ang biktima dahil sa maingay na tambutso ng kaniyang motorsiklo subalit sa halip na tumigil ay lalo lamang umanong pinatunog ng biktima ang kaniyang motorsiklo. Dahil sa ingay, hindi na raw...

'Sa sobrang taas ng pinag-aralan n'yo, lumubog na tayo sa kahirapan!'—Sen. Robin

Usap-usapan ang naging tirada ni Sen. Robin Padilla sa mga patuloy na kumukuwestyon sa kaniyang credentials. Matatandaang naging usap-usapan ang senador matapos ang paghingi niya sa credentials sa iprinisintang witness ng prosecution na si National Bureau of Investigation (NBI) Cybercrime Investigation Unit Senior Agent John Mark Calilung, matapos ang pagsalang sa day 2 at day 3, sa paglilitis...