Sen. Marcoleta sa media: 'Lahat naman ng sinasabi ko, 'di n'yo pina-publish!'-Balita

Sen. Marcoleta sa media: 'Lahat naman ng sinasabi ko, 'di n'yo pina-publish!'

By Mc Vincent Mirabuna

June 17, 2026

Tila may hinanakit sa hanay ng media si Sen. Rodante Marcoleta dahil hindi naman daw nilalabas ng mga ito ang kaniyang mga sinasabi.

Matatandaang naging kontrobersyal ang pahayag ni Marcoleta sa ikinasa nilang Senate Blue Ribbon meeting noong Hunyo 4, 2026, matapos niyang sabihing “bayaran” ang ilang Senate Media.

Matapos nito, agad namang humingi ng paumanhin si Marcoleta noon ding Hunyo 4, at sinabi niyang hindi niya intensiyong saktan o maliitin ang buong hanay ng media at inamin niyang bunga ng kaniyang pagkadismaya ang naging pahayag.

KAUGNAY NA BALITA: ‘Frustrated lang?’ Sen. Marcoleta, nag-sorry matapos sabihing ‘bayaran ang Senate media!’

Sa naging pahayag naman ni Marcoleta nang muli siyang dumalo sa sesyon ng Senado nitong Miyerkules, Hunyo 17, pinatutsadahan naman niyang hindi raw inilalabas ng media ang lahat ng kaniyang mga sinasabi.

“Lahat naman ng sinasabi ko, hindi n’yo naman pina-publish,” banat niya.

Pagpapatuloy pa ni Marcoleta, maraming beses na raw siyang nagpaliwanag sa laging mga katanungan ng media sa kaniya ngunit hindi raw siya makita sa mga inimprentang dyaryo.

“Sa totoo lang, ilang beses n’yo na akong tinanong [at] nagpaliwanag ako ng mabuti, pero kapag binasa mo lahat ang mga dyaryo, wala,” pagtatapos niya.

Kaugnay nito, muling nagpakita sa sesyon ng Senado si Marcoleta kasama ang ilang mga kapuwa niya senador sa paksyon ng Cayetano bloc na sina Sen. Loren Legarda, Sen. Pia Cayetano, Sen. Bong Go, at Sen. Imee Marcos nitong Miyerkules, Hunyo 17, magmula noong huli silang pumasok sa Senado noong Hunyo 1, 2026, nang kusang sumuko sa mga awotridad si Sen. Jinggoy Estrada.

Sa kasalukuyan, opisyal nang nanumpa bilang bagong Senate President si Sen. Win Gatchalian matapos ang isinagawa nilang special session ng Senado umaga nitong Miyerkules, Hunyo 17, alinsunod sa utos ng Pangulo.

KAUGNAY NA BALITA: 'Majority rules. This is democracy!' Sen. Bong Go, pumabor sa 'legal' na majority bloc

KAUGNAY NA BALITA: Sen. Loren sa pagtanggap sa bagong mayorya: '13 na e, noong 12, hindi pa!'

2 PH Navy na pinukpok sa ulo ng CCG, makatatanggap ng tig-₱100k!

Inanunsyo ng Malacañang na pagkakalooban ng tig-₱100,000 na tulong pinansyal ang dalawang miyembro ng Philippine Navy na nasugatan sa naganap na insidente sa Ayungin Shoal. Ayon sa Palasyo, ang ayuda ay bilang pagkilala sa sakripisyo at serbisyo ng dalawang Navy personnel na nasaktan habang ginagampanan ang kanilang tungkulin sa pinag-aagawang bahagi ng West Philippine Sea. Hindi pa naglabas ng...

Atty. Taran ng KWF, panatag sa epekto ng AI data centers sa mga katutubong wika

Inihayag sa publiko ni Punong Komisyoner ng KWF Atty. Marites Barrios-Taran na hindi raw dapat mag-alala ang publiko banta ng paglaganap ng mga Aritificial Intelligence (AI) data centers sa kalikasan sa bansa at magiging epekto nito sa pananatili ng katutubong wika. Partikular dito ang tinatawag na “Pax Silica,” na ayon sa United States (US) Department of Stete ay isang para sa artificial...

'Kiyapo,' lalakas bilang tropical storm; signal no. 1, nakataas na!

Inaasahang lalakas bilang tropical storm ang tropical depression 'Kiyapo' habang papalapit sa Babuyan Islands, ayon sa Philippine Atmospheric, Geophysical and Astronomical Services Administration (PAGASA) nitong hapon ng Huwebes, Hulyo 23, 2026. Base sa tropical cyclone bulletin ng PAGASA, huling namataan ang bagyo sa layong 640 kilometers East of Tuguegarao City, Cagayan. Taglay ang...