'Karapatan naman nila 'yan!' SILG Remulla, dinedma ng top management ng Ateneo?-Balita

'Karapatan naman nila 'yan!' SILG Remulla, dinedma ng top management ng Ateneo?

By Mc Vincent Mirabuna

June 15, 2026

Hindi dumating sa tanggapan ng Criminal Investigation and Detection Group (CIDG) ang apat sa limang top management ng Ateneo Men’s Basketball Team nitong Lunes, Hunyo 15, 2026, kung saan nauna na roon si Department of the Interior and Local Government (DILG) Sec. Jonvic Remulla.

Bago nito, matatandaang nauna nang linawin ni Remulla na nakatakda raw dumating sa CIDG ang mga kawani ng koponan ng Ateneo de Manila University sa pangunguna ni Coach Tab batay na sa nilabas na subpoena ng mga awtoridad.

Diin ni Remulla, “fact-finding exercise” naman daw ang layunin nilang ikasa sa naganap na insidente ng pagkalunod ng dalawang player ng Ateneo Blue Eagles na sina Rene Clert Baterbonia at Divine Adili sa Dipaculao, Aurora, noong hapon ng Hunyo 8, 2026, at wala raw silang planong arestuhin ang sinomang top management ng naturang koponan.

KAUGNAY NA BALITA: 'Fact-finding ‘di fault-finding?' SILG Remulla, haharapin sa CIDG top management ng Ateneo!

Pasado 11:00 ng umaga nito ring Lunes, inihayag ni Remulla sa media na si Em Fernandez lang daw sa top management ng Ateneo Men’s Basketball Team ang nakapunta sa ahensya ng CIDG.

Ani Remulla, ayos lang naman daw kung hindi dumating ang iba pang kawani ng koponan o maging ang head coach na si Tab Baldwin dahil karapatan naman daw nila ito.

“Karapatan naman nila ‘yan so okay lang,” aniya.

Paglilinaw ni Remulla, bukas pa naman daw inaasahang pumunta ang mga kakamping manlalaro nina Baterbonia at Adili sa CIDG na saksi sa naganap insidente.

“Hindi pa. Baka bukas. Ngayon lang ang pinag-uusapan natin,” saad niya.

“Again I have to repeat, it is a fact-finding mission not a fault-finding,” pagtatapos pa ni Remulla.

Samantala, muli umanong padadalhan ng subpoena ng awtoridad ang mga miyembro ng top management ng Ateneo Men’s Basketball Team at aasahan daw nilang magpapakita ang mga ito sa darating na Biyernes, Hunyo 19, 2026.

KAUGNAY NA BALITA: Coach Tab Baldwin, TM Epok Quimpo sasailalim sa 'leave' sa durasyon ng fact-finding ng Ateneo!

KAUGNAY NA BALITA: Atty. Torreon, 'di pinapasok sa burol ni Rene Baterbonia: 'Nakakahiya'

'Baka may pinagdadaanan!' Sen. Robin, inintindi na lang talak sa kaniya ni Angel Locsin!

Nagkomento na si Sen. Robin Padilla hinggil sa kontrobersyal na social media post sa kaniya ng aktres na si Angel Locsin hinggil sa naging pag-amin ng senador na pagiging komunista raw niya. Sa isang panayam sa Sonshine Media Network International (SMNI) kamakailan, sinabi ni Padilla na pareho nilang napag-usapan ng kaniyang asawang si Mariel Padilla ang naging pahayag ni Locsin at nagpasyang...

DepEd, iniimbestigahan na pagkasawi ng Grade 3 learner sa Davao City

Masusi nang iniimbestigahan ng Department of Education (DepEd) ang pangyayari sa likod ng trahedyang pagpanaw ng isang Grade 3 learner sa Agdao District, Davao City, noong Miyerkules, Hulyo 22. Sa inilabas na pahayag ng DepEd nitong Sabado, Hulyo 25, tiniyak nilang naipatutupad ang karampatang child protection at due process sa mga batang kabilang sa imbestigasyon habang umaandar ang mga...

De Lima kinondena 'death threats,' pagpatay kay Mima Alicia!

‘Killings and death threats must never be normalized!” Umalma si Mamamayang Liberal (ML) Partylist Rep. Leila de Lima sa mga wala umanong pakundangan na pagbabanta sa buhay ng sa social media at pati na rin sa naging pagpatay sa political content creator na si Alicia Lipata o kilala rin bilang “Mima Alicia.” Matatandaang bandang 3:06 ng madaling-araw noong Hulyo 17, 2026, nang...