'Tuloy ang laban!' Sen. Kiko, nagpasalamat sa muling paghawak ng komite sa agrikultura-Balita

'Tuloy ang laban!' Sen. Kiko, nagpasalamat sa muling paghawak ng komite sa agrikultura

By Mc Vincent Mirabuna

June 04, 2026

Nagpasalamat si Sen. Kiko Pangilinan dahil sa naging muling pagtatalaga sa kaniya bilang chairperson ng Senate Committee on Agriculture, Food, and Agrarian Reform.

Matatandaang nakakuha ng quorum ang 11 na mga miyembro ng minorya sa Senado noong Miyerkules, Hunyo 3, 2026, nang bilang dumalo sa sesyon ang miyembro ng majority bloc na si Sen. Chiz Escudero.

Dahil dito, tumayo bilang Senate President Pro Tempore at acting Senate President si Sen. Win Gatchalian upang mapalitan ang chairmanship ng mga senador na hawak ng dating mayorya.

KAUGNAY NA BALITA: Tawid-bakod na? Sen. Chiz, binulaga plenary session!

Sa naging pahayag naman ni Pangilinan sa kaniyang Facebook post nitong Huwebes, Hunyo 4, idiniin niyang makakapaghintay raw ang politika at uunahin daw muna niya ang maraming trabahong nakaabang sa naturang Komite para tumulong sa nagugutom na taumbayan.

“Maraming nakaabang na trabaho. Kumakalam ang sikmura ng ating mga kababayan, at nanganganib ang kabuhayan ng ating mga magsasaka at mangingisda dahil sa Super El Niño.

Makapaghihintay ang pulitika, pero ang gutom hindi,” saad niya.

Ani Pangilinan, magpapatuloy raw ang laban nila para sa mga magsasaka at mangingisda upang isulong ang abot-kayang pagkain para sa lahat ng mga Pilipino.

“Patuloy ang ating laban para sa ating mga magsasaka at mangingisda, at para sa mas abot-kayang pagkain para sa bawat pamilyang Pilipino,” pagtatapos niya.

Sa kabila nito, matatandaang mariing nanindigan si Senate President Alan Peter Cayetano na nananatili pa rin daw siyang lehitimo at legal na pinuno ng Senado sa kabila ng naging quorum ng 12 na mga senador.

Diin ni Cayetano, hindi raw niya kinikilala ang palit-lideratong ginawa ng Senate minority bloc matapos ang pagsipot ni Escudero sa Senado at tinawag niyang ilegal ang kudetang ginawa ng mga kasapi ng minorya.

KAUGNAY NA BALITA: 'I'm still the legitimate, legal, moral Senate President!'—SP Cayetano

KAUGNAY NA BALITA: Cayetano, tinawag na ilegal ang kudeta ng minority

'Martial Law ba tayo ngayon?' Sen. Alan, binira umano'y pagbabawal sa resource persons sa pagdinig

Binuweltahan ni Sen. Alan Peter Cayetano ang mga usapin kaugnay sa umano’y pagbabawal sa resource persons na dumalo sa mga pagdinig na isasagawa sa Mataas na Kapulungan. Sa Facebook live na isinagawa ni Sen. Alan nitong Huwebes, Hunyo 4, kinuwestiyon niya kung bawal daw ba silang magkaroon ng mga bisita sa loob ng Senate premises. “Bakit nga hindi? Kayo ang nasa media, martial law ba tayo...

Isang senador sangkot sa human trafficking, namimili ng babae—Atty. Baligod

Pinahagingan ng tumatayong abogado ng nagpakilalang mga dating miyembro ng Philippine Marine na si Atty, Levito “Levi” Baligod na may isang senador daw ang sangkot sa human trafficking at pagbili sa mga babae. Ayon sa naging pahayag ni Baligod sa pagdalo niya at ng ilang miyembro ng ex-Marines sa Senate Blue Ribbon Committee na itinuloy nila Senate President Alan Peter Cayetano nitong...

Sen. Win Gatchalian, awtorisado pagpapaikli ng oras sa Senado simula 10 AM

Naglabas ng pahayag si Sen. Win Gatchalian na nag-uutos sa pagpapaiksi sa oras ng pasok ng mga personnel ng Senado simula 10:00 ng umaga ng Huwebes, Mayo 4. Sa nasabing pahayag na inilabas ni Gatchalian, binanggit na ang pinaiksing oras ng pasok sa senado ay upang matiyak ang kaligtasan, seguridad, at kapakanan ng mga Senate personnel, partikular ang mga pumasok sa kanilang mga opisina sa araw...