Sen. Alan may payo kay Sen. Win: 'Wait for your time'-Balita

Sen. Alan may payo kay Sen. Win: 'Wait for your time'

'MASISIRA 'YONG BUONG CAREER NIYA IN THE FUTURE'

Nagbigay ng payo si Senador Alan Cayetano kay Senador Win Gatchalian matapos ang pagpapalit ng liderato sa Senado.

Matatandaang ginulat nI Senador Chiz Escudero ang Senate plenary hall matapos siyang dumalo sa sesyon noong Miyerkules, Hunyo 3, ilang araw matapos ang hindi pagsipot ng Senate majority bloc sa kanilang plenary session.

Si Escudero na nauna na noong sumapi sa majority bloc ang siyang kumumpleto bilang ng 12 senador upang magkaroon ng quorum at rumatsada ang sesyon ng Senado.

Bunsod nito, agad na binakante ng Senado ang lahat ng posisyon, kabilang ang Senate President Pro Tempore kung saan naihalal si Gatchalian sa naturang posisyon at kalaunan ay idineklara bilang acting Senate President.

Maki-Balita: Tawid-bakod na? Sen. Chiz, binulaga plenary session!

Sa isang press conference nitong Huwebes, Hunyo 4, binigyang-payo ni Cayetano si Gatchalian.

"Kung ako kay Sen. Win, I will not act as acting president because he knows it's illegal. Masisira 'yong buong career niya in the future," ani Cayetano.

"You know I've been a senator since 2007. I thought never na ako magiging senate president. But I waited. Until binigay sa akin," dagdag pa niya.

"And I think Sen. Win is intelligent, studious, creative, ang dami kong adjective na sasabihin. So, ang aking lang kay Sen. Win, wait for your time... Okay na e, pinili ka na ng grupo mo pero kapag illegal ang pinagagawa sa'yo, huwag mong gawin. Mapapahamak ka lang."

Matatandaang kinilala ng Malacañang si Gatchalian bilang acting Senate President noon ding Miyerkules.

Maki-Balita: Malacañang, kinilala ang 'bagong mayorya' at liderato ni acting SP Gatchalian

Habang nitong Huwebes, muling nanindigan ang Palasyo para kay Gatchalian.

Maki-Balita: Malacañang, muling nanindigan kay Sen. Gatchalian bilang Senate President Pro Tempore, Acting Senate President

Maximum tolerance kaming dalawa!' Sen. Robin, dedma na sa girian nila ni SILG Remulla?

Iginiit ni Sen. Robin Padilla na walang personal na alitan sa pagitan nilang dalawa ni Department of the Interior and Local Government (DILG) Secretary Jonvic Remulla matapos ang insidente ng tulakan sa Senado na naging usap-usapan sa social media. Ito ay matapos makuhanan ng video ang komosyon sa loob ng Senado kung saan umano'y humarang si Remulla habang papalapit si Padilla sa isang...

Padre Pio Shrine, isa nang international shrine!

In-elevate na ng Vatican ang National Shrine and Parish of Saint Padre Pio sa Batangas sa international shrine status. Nabatid na nag-isyu ang Dicastery for Evangelization ng isang decree noong Mayo 25, 2026, na ika- 139th birth anniversary ni St. Padre Pio hinggil dito ngunit isinapubliko lamang ito ng parokya nitong Huwebes, Hunyo 4. Ito na ang ikalawang international shrine sa Pilipinas,...

Integrated Bar of the Phils, sinabing 'lawful' at 'valid' ang quorum ng 12 senador

Naglabas ng opisyal na pahayag ang Integrated Bar of the Philippines (IBP) Board of Governors upang linawin ang usapin ng quorum sa Senado sa gitna ng nagpapatuloy na kontrobersiya kaugnay ng pagpapalit ng liderato at committee heads ng Mataas na Kapulungan ng Kongreso. Sa pahayag na may petsang Hunyo 4, 2026, na mababasa sa kanilang Facebook page, ipinaliwanag ng IBP na ang batayan ng quorum ay...