PNP, kukumpiskahin mga baril kung 'di isusuko ni Sen. Bato!-Balita

PNP, kukumpiskahin mga baril kung 'di isusuko ni Sen. Bato!

By Mc Vincent Mirabuna

May 28, 2026

Nanindigan ang Philippine National Police Firearms and Explosives Office (PNP FEO) na kukumpiskahin nila ang mga baril ni Sen. Ronald “Bato” dela Rosa kung hindi man ito isusuko ng senador.

Matatandaang inapela ng Department of Justice (DOJ) sa PNP noong Martes, Mayo 26, 2026, ang agarang pagre-revoke sa lisensya ng baril ni Dela Rosa dahil na rin sa pagtatago ng huli sa pagtugis ng mga awtoridad sanhi ng inisyung warrant of arrest ng International Criminal Court (ICC).

KAUGNAY NA BALITA: 'As soon as possible!' DOJ, umapelang tanggalin lisensya ng mga baril ni Sen. Bato

Kaugnay nito, pinangunahan naman ng tumatayong abogado ni Dela Rosa na si Atty. Israelito Torreon noong Miyerkules, Mayo 27, ang pormal na pag-epela nila para hindi tanggapin ang panukalang ma-revoke ang lisensya ng mga baril ng senador alinsunod sa Section 39 ng Comprehensive Firearms and Ammunition Regulation Act o RA 10591.

Anila, maaari lamang daw ma-revoke ang mga armas ng isang indibidwal kung mayroong utos na magmumula sa Korte ng Pilipinas at hindi naman daw akusado ang senador sa mga lokal na Korte ng bansa.

Ayon naman sa naging pahayag ni PNP PIO chief PCol. Allen Rae Co sa isinagawa nilang press briefing nitong Huwebes, Mayo 28, sinabi niyang maninindigan daw silang i-revoke pa rin ang lisensya ng mga baril ni Dela Rosa alinsunod sa section 4(g) ng Republic Act No. 10591

“We stand by our decision to revoke the licenses of Sen. Bato dela Rosa,” pagsisimula niya.

Aniya pa, “Ang sina-cite po niya… ‘yong section 4(g) is actually for applicants.”

Ani Co, may tungkulin pa rin daw na kumpiskahin at i-revoke ng PNP FEO ang lisensya ng mga baril ni Dela Rosa at tiniyak niyang wala raw iyong impluwensya ng politika.

“Now it is our stand ‘yong FEO po having a regulatory function overall firearms licenses can be revoked,” ‘ika niya.

Dagdag pa niya, “And ‘yong kanilang decision is not influenced by any political quorum and any other parts ‘yong facts that was stated.”

“Ito pong [section] 4(g) ay we believe it is our stand that it is a continuing requirement for the possession ng firearms po and any licences,” pagtatapos pa ni Co.

Samantala, habang sinusulat ito, wala pa namang inilalabas na bagong pahayag, tugon, o reaksyon ang kampo ni Dela Rosa kaugnay rito.

KAUGNAY NA BALITA: PNP, nasa proseso na ng pagtatanggal lisensya ng 100+ baril ni Sen. Bato!

KAUGNAY NA BALITA: DOJ kay Sen. Robin: 'Andami niya na ring inamin na ginawa niya!'

'Bayan o sarili, mamili ka:' Usec. Castro, bumanat ng linya ni Hen. Luna sa walkout sa Senado!

Idiniiin ni Palace Press Officer at Presidential Communications Office (PCO) Usec. Claire Castro na pagkakataon na raw ng mga Pilipino na alamin kung para nga ba sa bayan o sarili ang kinikilos ng mga senador o namumuno sa bansa. Matatandaan kasing nag-walk out sa plenaryo ng Senado ang mga miyembro ng minority bloc noong Martes, Mayo 26, 2026, dahil sa naging mainit na tensyon nila sa majority...

'A friend that can always count on:' PBBM, tiniyak patuloy na balikatan ng Pinas sa Japan!

Sinigurado ni Pangulong Ferdinand “Bongbong” Marcos, Jr., ang pananatili ng Pilipinas bilang kakampi at katuwang ng Japan sa pagsusulong ng kapayapaan para sa mamamayan. Ayon sa naging speech ng Pangulo sa naging personal niyang pagbisita sa The Imperial Palace sa Tokyo, Japan, noong Miyerkules, Mayo 27, diniin niyang aabot na raw sa 70 na taong nananatiling nagbabalikatan ang Pilipinas at...

'Ano ba naman 'yan?' Sen. Risa, sinupalpal si Sen. Robin tungkol sa force majeure

Kinontra ni Sen. Risa Hontiveros ang naging paliwanag ni Sen. Robin Padilla tungkol sa 'force majeure' na posibleng maging dahilan para payagan ang 'remote participation' ng isang senador sa plenary session ng Senado. Binakbakan kasi ng mga netizen ang naging paliwanag ni Padilla tungkol sa nabanggit na termino, bunga na rin ng mainit na diskusyon sa Senado sa pagbabago ng...