Sen. Dela Rosa, itinuturing na 'armed and dangerous' ng NBI-Balita

Sen. Dela Rosa, itinuturing na 'armed and dangerous' ng NBI

Itinuturing ng National Bureau of Investigation (NBI) bilang "armed and dangerous" si Senador Ronald "Bato" Dela Rosa, ayon kay NBI chief Melvin Matibag nitong Sabado, Mayo 23.

Kaugnay pa rin ito sa patuloy na paghahanap ng ahensya kay Dela Rosa upang isilbi ang arrest warrant na inilabas ng International Criminal Court (ICC).

“It’s our standard protocol that if we’re doing an operation or locating a fugitive from justice, our presumption is that they’re already armed and dangerous,” saad ni Matibag sa isinagawang press conference nitong Sabado.

Matatandaang noong Mayo 11 nang kumpirmahin ng ICC ang arrest warrant laban kay Dela Rosa.

“The International Criminal Court confirms that the document published by national authorities of the Republic of the Philippines and circulated in media is indeed a formal ICC document,” saad ng tribunal

“This arrest warrant against Mr Ronald Marapon Dela Rosa was issued confidentially, under seal, by Pre-Trial Chamber I of the ICC on 6 November 2025,” dagdag pa nito.

Maki-Balita: 'Legit!' ICC, kinumpirma arrest warrant laban kay Dela Rosa

Noong Mayo 21 sinabi ni Department of Justice (DOJ) Sec. Fredderick Vida, na maitutuing na "fugitive" o takas sa batas si Dela Rosa.

"The Philippine law enforcement agencies, which would include the PNP and National Bureau of Investigation, are now tasked to effect the arrest of Sen. Ronald "Bato" Dela Rosa. Sen. Bato is a fugitive from justice, and he should be brought to the ICC to face the charges before him," saad ni Vida.

Maki-Balita: Finding Bato? Sen. Dela Rosa, 'fugitive' na ayon kay DOJ Sec. Vida!

Hinihikayat naman ni Philippine National Police (PNP) Chief Gen. Jose Melencio Nartatez, Jr. si Dela Rosa na sumuko na lamang.

Aniya, alam naman daw ni Dela Rosa ang proseso dahil maganda naman daw ang naging pagseserbisyo ng senador noong aktibo pa ito sa pagiging pulis at lalo na raw noong maging chief ito ng PNP.

“He is a former Police officer. Napakaganda ng career niya especially in the fight against crime at maintenance of peace, not only in Mindanao, but in the whole country when he became one-star general brigadier or chief of the Philippine National Police,” pagsisimula niya.

Diin niya, “Alam niya naman ang proseso.”

Maki-Balita: PNP Chief Gen. Nartatez, hinikayat sumuko na lang si Dela Rosa

Sen. Pia Cayetano: 'Kumusta na po kayong lahat?'

Sinakyan na rin ni Sen. Pia Cayetano ang pag-trend ng kaniyang naging emosyonal na reaksyon sa naging privilege speech ni Sen. Risa Hontiveros kamakailan, kung saan nanawagan ang huli sa liderato ng Senado na huwag ipagwalang-bahala ang naganap na shoot out sa pasilidad. “Balita ko, trending na raw po ang ‘kumusta ka?’ Kaya ako ang magtatanong sa bawat isa sa inyo, ‘kumusta ka?’...

Sen. Imee tungkol sa Con-Ass: 'Ambilis mag-deny ni Ping, sagutin mo STRAIGHT dapat!'

Umani ng iba’t ibang reaksiyon ang panibagong social media post ni Sen. Imee Marcos laban kay Sen. Panfilo 'Ping' Lacson tungkol sa usapin ng Constitutional Assembly o Con-Ass kaugnay ng Charter change. kalakip ng post ni Marcos ang isang art card kung saan mababasa ang mga naging pahayag ni Lacson at ni dating Senate President Tito Sotto III tungkol sa con-ass. Mababasa rito ang...

Roque sa posibleng pagkadawit ni Padilla sa kaso ni Dela Rosa: 'Impossible crime!'

Nanindigan si dating Presidential spokesperson Atty. Harry Roque na imposible raw na makasuhan si Sen. Robin Padilla kaugnay sa pagtulong nito kay Sen. Ronald “Bato” dela Rosa na makaiwas sa inisyung arrest warrant ng International Criminal Court (ICC) laban sa huli. Matatandaang isinapubliko ng pulisya noong Miyerkules, Mayo 20, 2026, ang CCTV footage kung saan mapapanood sina Padilla at...