'I don't want your help anymore!' Trump, ekis na sa NATO-Balita

'I don't want your help anymore!' Trump, ekis na sa NATO

By Mc Vincent Mirabuna

April 18, 2026

Pinatutsada ni United States (US) President Donald Trump na hindi na raw nila kailangan pa ang tulong na maaaring ibigay ng North Atlantic Treaty Organization (NATO).

Ang NATO ay isang military at political alliance na binubuo ng 32 na mga bansa mula sa Europa at North America. Naitatag ito noong 1949 upang matiyak ang kanilang seguridad at kapayapaan.

Isa sa mga prinsipyo nito ang pagsusulong ng kolektibong pagtatanggol sa mga kakampi nilang bansa at naniniwala silang dapat nilang lahat atakihin kung sinoman ang tutuligsa sa kanilang mga kakampi.

Matatandaang inilahad na rin ni Trump sa publiko noong Abril 12, 2026, ang kaniyang pagkadismaya sa NATO dahil sa hindi raw pagtulong nito sa kanila sa pakikipaglaban sa bansang Iran.

“We are very disappointed in NATO, they weren’t there for us. We pay trillions of dollars for NATO and they weren’t there for us,” diin ni Trump.

KAUGNAY NA BALITA: 'We're paying trillions of dollars!' Trump, dismayado sa 'di pagtulong ng NATO

Ayon naman sa naging bagong pahayag ni Trump noong Biyernes (araw sa US), Abril 17, 2026, ibinahagi niyang tinawagan daw siya ng NATO at nagtanong ito kung kailangan pa nila ng tulong sa pakikipaglaban sa Iran.

“Now that the situation in the Hormuz Strait is almost over, I received a call from NATO asking if we would need some help,” pagsisimula niya.

“Thank you very much, NATO,” pahabol pa niya.

Ani Trump, mas tatanggapin daw niya ang tulong ng NATO noon pang dalawang buwan na ang lumipas ngunit hindi na raw nila kailangan pa ang mga ito.

“And I told them I would have liked your help two months ago, but now I really don’t want your help anymore,” diin niya.

Pagpapatuloy pa niya, “useless” o hindi daw kasi sila nakatanggap ng tulong mula sa NATO noong panahong kailangan nila ito.

Patutsada niya pa, hindi naman daw talaga nila kailangan ang NATO at ang huli ang nangangailangan sa kanila.

“Because they were absolutely useless when we needed them—but actually we never needed them—they needed us, they needed us so badly,” pagtatapos pa niya.

Samantala, habang sinusulat ito, wala pa namang isinasapublikong pahayag, tugon, o reaksyon ang NATO tungkol dito.

KAUGNAY NA BALITA: 'The war in Iran should be ending pretty soon!'—Trump

KAUGNAY NA BALITA: 'I might go:' Trump, trip pumuntang Pakistan

Suspek sa genocide na nililitis sa international court sa The Hague, patay na!

Pumanaw na ang isa sa mga pangunahing suspek sa 1994 Rwandan genocide na si Felicien Kabuga habang nahaharap sa paglilitis sa international court sa The Hague, Netherlands, ayon sa mga ulat ng international news outlets. Kinumpirma ng International Residual Mechanism for Criminal Tribunals ng United Nations (UN) na namatay si Kabuga sa isang ospital noong Sabado, Mayo 16, na nasa edad 90. Si...

35 Pinoy sa Qatar, ligtas nang nakauwi sa bansa!

Aabot sa 34 na Overseas Filipino Workers (OFWs) at isang dependent mula sa bansang Qatar ang matagumpay nang nakauwi sa bansa, batay sa ulat ng Department of Migrant Workers (DMW). Ayon sa DMW noong Sabado, Mayo 16, ito ay bahagi ng repatriation program ng bansa para sa mga Pilipinong sa kasalukuyan ay nasa Gitnang Silangan. Anang DMW, lulan ang 35 Pinoy ng Qatar Airways Flight QR934 sa Ninoy...

Muling pagkalat ng Ebola disease, isa nang ‘international concern’ – WHO

Itinaas na ng World Health Organization (WHO) bilang “public health emergency of international concern” ang muling pagkalat ng Ebola disease. Batay sa inilabas na pahayag ng WHO nitong Linggo, Mayo 17, batay sa kanilang tala noong Sabado, Mayo 16, ang Ebola disease, na dulot ng Bundibugyo virus, ay mayroon ng walong laboratory-confirmed cases, 246 suspected cases, at 80 suspected deaths,...