Itinaas ng Philippine Institute of Volcanology and Seismology (PHIVOLCS) sa Alert Level 3 ang Bulkang Mayon nitong Martes, Enero 6, 2026.
Kasunod ito ng pagguho ng pyroclastic density current (PDC) o “uson” mula sa bulkan.
Sa kasalukuyan, nakapagtala na ang ahensya ng 346 rockfall events at apat (4) na volcanic earthquakes mula noong Enero 1, kumpara sa 599 rockfall events noong Nobyembre hanggang Disyembre 2025.
"In view thereof, DOST-PHIVOLCS is now raising the alert status of Mayon Volcano from Alert Level 2 to Alert Level 3. This means that Mayon is exhibiting magmatic eruption of a summit lava dome, with increased chances of lava flows and hazardous PDCs or uson affecting the upper to middle slopes of the volcano and of potential explosive activity within days or weeks," saad ng Phivolcs sa isang pahayag.
New year, new mission? Sec. Dizon, inasembol bagong mga Dist. Engr. ng Bulacan
Dahil dito, naglabas ng abiso ang ahensya na nararapat nang magsagawa ng evacuation sa 6-km radius Permanent Danger Zone (PDZ) dahil sa panganib ng PDCs, lava flows, rockfalls at iba pang mga panganib sa bulkan.
Pinagbabawal na rin ang pagpapalipad ng anumang sasakyang panghimpapawid sa ibabaw ng bulkan.
Matatandaang itinaas sa Alert Level 2 ang bulkan noong Enero 1.
