Louie Ocampo, kinaaliwan dahil sa 'nota'-Balita

Louie Ocampo, kinaaliwan dahil sa 'nota'

Laugh trip sa mga netizen ang naging pahayag ng musical composer at punong hurado ng "Tawag ng Tanghalan: All-Star Grand Resbak 2025" na si Louie Ocampo, habang nagkokomento sa isang kalahok.

Nagbigay kasi siya ng komento sa isang resbaker na ang ganda raw ng mga "kulot" at piniling nota.

"Pa'no ba pinipili 'yon Sir Louie?" sundot na tanong ni Vice Ganda.

Payo na rin sana ni Louie para sa singers ang tungkol sa "nota" subalit natawa na rin siya nang tumawa na rin ang madlang people audience.

"Vice, may... kasi kailangan ma-inspire ka muna para makita mo at ma-imagine mo 'yong mga nota eh," seryoso pang sagot ni Louie.

"Kailangan musically inclined ka talaga eh," segunda pa na Vice. "Kailangan may tenga."

"Yes, so... Oo kasi kapag may nakita kang nota, automatic, ay may nakita kang ano..." saad ni Louie subalit natawa na siya at tila may na-realize na sa kaniyang sinabi.

Maya-maya ay nagpatuloy pa siya at sumeryoso na. Sinabihan pa siya ng kapwa huradong si Asia's Nightingale Lani Misalucha na English word na lang ang gamitin.

"Hindi, hindi, 'pag may narinig kang mga nota... notes sa utak, automatic nasa bibig eh," aniya subalit nagtawanan na ulit ang audience.

Bigla namang sumegunda si Vice Ganda at ipinaliwanag ang ibig sabihin ng hurado.

"Actually, ano ba 'yong tinatawag na... musical intelligence ba 'yon? 'Pag malawak ang iyong intelligence sa music, talagang normal na sa muscle sa bibig, bakit parang ang dali sa kanila? Pero sa atin ang hirap," sey at baling ni Vice Ganda sa co-host na si MC Muah.

"Totoo, napakahirap," segunda naman ni MC.

"Parang... pa'no 'yon? Paano napipili 'yong mga ganoong notes na pinaglalaruan lang?" sundot pa ni Vice Ganda.

"It comes with inspiration and experience," pahayag ni Louie.

Huling hirit ni Vice Ganda, "Maraming salamat po, hanggang doon na lang po tayo Sir Louie, thank you very much po... Hanggang dito na lang ba tayo [kumanta]..."

Ang nota, sa beki language, ay matagal nang may pagpapakahulugang ari ng lalaki. Isa ito sa mga salitang ipinamamalit sa nabanggit na salita, kagaya na lamang din ng "talong," "batuta," "baril," "hotdog," "kargada," at iba pa.

Pagpapapako ni Ruben Enaje sa krus, matutuldukan na ngayong taon?

Muling nasaksihan ng mga residente at maging ng libong turista ang taunang Senakulo sa bayan ng San Fernando, Pampanga noong Biyernes Santo, Abril 18, 2025. Sa ika-36 taon ng kaniyang pagpapapako sa krus at pagganap bilang Hesus, ito na raw ang tila kahuli-hulang Senakulong posibleng itanghal ni Ruben Enaje.Si Ruben, 64 taong gulang ang kilalang deboto at namamanatang gumaganap bilang Hesus sa...

Humigit-kumulang 500k deboto, dumalo sa prusisyon ng Poong Nazareno ngayong Biyernes Santo

Nagbigay ng pahayag ang Kura Parokong si Rev. Fr. Ramon Jade Licuanan kaugnay sa isinagawang prusisyon ng Poong Nazareno ngayong Biyernes Santo.Sa isang video statement na inilabas ng Quiapo Church nitong Biyernes, Abril 18, sinabi ni Fr. Licuanan na tumagal umano ng mahigit 11 oras ang naturang prusisyon na dinaluhan ng humigit-kumulang 500,000 deboto.Aniya, “Naisagawa po ng Basilika Menor at...

Sen. JV Ejercito, inalala dakilang sakripisyo ni Hesus

Ginunita ni Senador JV Ejercito ang dakilang sakripisyo ni Hesus para sa kaligtasan ng buong sanlibutan ngayong Biyernes Santo, Abril 18.Sa isang Facebook post ni Sen. JV sa mismong araw na binanggit, hiniling niyang magsilbing paalala ang banal na araw na ito.“Nawa'y magsilbing paalala ito sa atin ng tunay na pagmamahal, kapatawaran, at pananampalataya.Mapagpalang Biyernes Santo sa ating...