Winasak ng TNT Tropang Giga ang Terrafirma Dyip, 131-109, sa PBA Governors' Cup sa Mall of Asia Arena sa Pasay City nitong Sabado ng gabi.
Dahil dito, tangan na ng TNT ang 5-1 record, panalo at talo, at nasa ikatlo na sa team standing.
Katulad ng inaasahan ni TNT coach Jojo Lastimosa, rumatsada nang husto ang import na si Jalen Hudson sa nahakot na 36 puntos at anim na rebounds.
Nagpakawala rin ng 26 puntos si Mikey Williams, tampok ang limang tres, dagdag pa ang apat na rebounds at anim na assists.
Amihan, ITCZ, patuloy na nakaaapekto sa malaking bahagi ng bansa – PAGASA
Labing-anim na puntos naman ang nahugot ni Roger Pogoy, bukod pa ang apat na rebounds, tatlong assists at isang steal.
Sa kabila naman ng pagkatalo, nakapagtala ng double-double si Terrafirma import Jordan Williams. Kumamada ng 38 puntos si Williams at kumana rin ng 10 rebounds at anim na assists.
Naka-18 puntos ang kakamping si Juami Tiongson, habang si Eric Camson ay nakakuha ng 13 puntos.
