Naitala na ng San Miguel ang ikalawang sunod na panalo sa PBA Governors' Cup matapos gibain ang Blackwater, 105-86, sa PhilSports Arena sa Pasig nitong Miyerkules.
Sa umpisa ng laban, nakuha kaagad ng Beermen ang bentahe, 30-11 at lalo pang lumaki ito pagkatapos ng first half, 63-35.
Si Jericho Cruz ang nanguna sa San Miguel sa kanyang 22 markers na sinegundahan nina Cameron Clark na mayroong 20 points at siyam na rebounds at June Mar Fajardo na nakasungkit ng 17 points at 16 rebounds.
Nang matapos ang 3rd quarters, hawak pa rin ng San Miguel ang bentahe, 83-68, at hindi nakaungos ang Bossing hanggang sa matapos ang laban.
‘Naka-red alert!’ PSC, dinoble seguridad ni PBBM matapos ‘assassination threat’ ni VP Sara
Nasa No. 2 na sa standing ang Beermen, kasama ang NLEX Road Warriors at TNT Tropang Giga.
Naka-double-double sa Blackwater ang import na si Shawn Glover sa nakolektang 16 points at 12 rebounds.
Nalaglag ang Bossing sa 1-2, panalo at talo.
