Folding bikes, pinapayagan nang maisakay sa MRT-3

By Balita Online

September 28, 2021

In BALITA

Pinapayagan nang maisakay ng mga pasahero ang kanilang folding bikes sa mga tren ng Metro Rail Transit Line 3 (MRT-3).

Ayon sa MRT-3, kabilang sa mga folding bikes na maaaring isakay sa tren ng MRT-3 ay yaong hindi lalagpas sa 20-pulgada ang dayametro.

Samantala, ang mga siklistang bibiyahe sa MRT-3 ay maaari ding mag-iwan ng kanilang bisikleta sa bicycle racks sa mga istasyon ng linya.

Sang-ayon na rin ito sa layunin ng pamunuan ng MRT-3 at ng Department of Transportation (DOTr) sa pagsusulong ng active transport lalo sa panahon ng new normal.

Maaaring mag-iwan ng bisikleta sa bicycle racks at magdala ng sariling padlocks ang mga pasahero tuwing operating hours ng MRT-3.

Matatandaang simula nang mag-umpisa ang COVID-19 pandemic at magbawas ng bilang ng transportasyon ang pamahalaan, ay marami ng mga mamamayan ang gumamit ng bisikleta para sa kanilang pagbiyahe.

Mary Ann Santiago

Reso na magbabasura sa impeachment ni VP Sara, hindi pa nakikita ni SP Chiz

Muling nilinaw ni Senate President Chiz Escudero na wala pang opisyal na resolusyong inihahain upang maibasura ang nakabinbing impeachment kay Vice President Sara Duterte sa Senado.Sa kaniyang press briefing nitong Lunes, Hunyo 9, 2025, iginiit niyang walang inaaksyunang resolusyon ang Senado dahil wala pa umanong opisyal na inilalabas ang sinumang senador hinggil sa pagpapabasura sa...

Bicam conference committee para sa dagdag sahod, dapat nang ikasa —Hontiveros

Nagbigay ng pahayag si Senator Risa Hontiveros kaugnay sa inaprubahang karagdagang sahod ng Kamara para sa mga manggagawa sa pribadong sektor.MAKI-BALITA; Kamara, inaprubahan na ang ₱200 na dagdag sahodSa latest Facebook post ni Hontiveros nitong Lunes, Hunyo 9, sinabi niyang nararapat na umanong magsagawa ng bicameral conference committee para dito.“Pareho namang sumasang-ayon ang Kamara at...

78% ng mga Pilipino, pabor harapin ni VP Sara ang impeachment—Octa survey

Payag ang tinatayang 78% ng mga Pilipino na harapin ni Vice President Sara Duterte ang nakabinbin niyang impeachment sa Senado, ayon sa pinakabagong survey ng OCTA Research Tugon ng Masa (TNM) na inilabas nitong Lunes, Hunyo 9, 2025.Batay sa nasabing survey na isinagawa noong Abril 20 hanggang 24, tanging 13% lamang ang hindi pumabor sa usapin ng impeachment ng Pangalawang Pangulo habang 9% naman...