Pinapayagan nang maisakay ng mga pasahero ang kanilang folding bikes sa mga tren ng Metro Rail Transit Line 3 (MRT-3).
Ayon sa MRT-3, kabilang sa mga folding bikes na maaaring isakay sa tren ng MRT-3 ay yaong hindi lalagpas sa 20-pulgada ang dayametro.
Samantala, ang mga siklistang bibiyahe sa MRT-3 ay maaari ding mag-iwan ng kanilang bisikleta sa bicycle racks sa mga istasyon ng linya.
Sang-ayon na rin ito sa layunin ng pamunuan ng MRT-3 at ng Department of Transportation (DOTr) sa pagsusulong ng active transport lalo sa panahon ng new normal.
Magpinsang paslit nagkayayaang maligo sa lawa, nalunod
Maaaring mag-iwan ng bisikleta sa bicycle racks at magdala ng sariling padlocks ang mga pasahero tuwing operating hours ng MRT-3.
Matatandaang simula nang mag-umpisa ang COVID-19 pandemic at magbawas ng bilang ng transportasyon ang pamahalaan, ay marami ng mga mamamayan ang gumamit ng bisikleta para sa kanilang pagbiyahe.
Mary Ann Santiago
