PARA saan kaya ang IG post ni McCoy Deleon na larawang magkasama sila ng ex-girlfriend na si Elisse Joson sa isang yate at sweet-sweetan?
Bagama’t parang luma na ang larawan na tila eksena sa isang pelikula o TV series may caption na, “Always all ways.”
At dahil lumipat na ng Viva si McCoy kaya nagtanong kami kung may project siya roon kasama si Elisse at kaagad kaming sinagot ng, “wala naman akong naririnig.”
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
Base sa mga nabasa naming komento na puro heart emoji ang nilagay at ‘OMG’ ay baka naman nagkabalikan na muli sina McCoy at Elisse?
Tanda namin noon na kahit hiwalay na ang dalawa ay hindi naman nawala ang kanilang komunikasyon at nabanggit pa ni McCoy na hindi nawala ang pagmamahal niya kay Elisse.
If ever na muling nagkabalikan ang dalawa, e, sana this time ipaglaban na ng dalaga ang binata sa kanyang pamilya na sa pagkakaalam namin ay ito ang dahilan kung bakit sila naghiwalay.
Mabait si McCoy, masipat at marespeto sa lahat at hindi namimili ng taong pakikisamahan kaya gusto namin ang binatang ito.
-Reggee Bonoan
