Magpapatupad ang Meralco ng 57 sentimos kada kilowatt hour na taas-singil ngayong Pebrero.
MB, file
Ayon sa Meralco, tumaas ng halos piso ang generation charge, ngunit bumaba naman ang ilang charges, kaya 57 centavos/kWh lang ang madadagdag sa electric bill ngayong buwan.
Bunsod ng naturang dagdag-singil, ang mga bahay na kumokonsumo ng 200 kWh kada buwan ay makakaranas ng P114 na dagdag-bayarin sa kanilang bill, habang P171 naman ang sa mga kumokonsumo ng 300 kWh bawat buwan.
National
50.78% examinees, pasado sa Nov. 2024 Licensure Exam for Agriculturists
Kung nakakagamit naman ng 400 kWh kada buwan ang isang bahay, magkakaroon sila ng P228 dagdag-singil ngayong Pebrero.
Para naman sa mga kumokonsumo ng 500 kWh kada buwan, madadagdagan ng P285 ang susunod na bayarin nila sa kuryente.
Mary Ann Santiago
