Jameson at Julia, bagong loveteam?-Balita

TRULILI kaya na bukod kay Joshua Garcia ay niluluto rin ang love team nina Jameson Blake at Julia Barretto?

Tsika sa amin, dahil maganda ang chemistry nina Jameson at Julia sa seryeng Ngayon at Kailanman ay hinahabaan na rin ang exposure ng aktor at pareho na sila ni Joshua.

“Obviously, sina Joshua at Julia naman talaga ang loveteam on and off-cam, pero since maraming followers din ang Julia at Jameson kaya bini-build up ang love team nila.

“Kung mababasa mo ‘yung mga comments sa iWant maraming may gusto rin kay Jameson for Julia.

At maganda ‘yun, kasi ‘yung love triangle nila ang inaabangan talaga sa Ngayon at Kailanman, nakakatawa nga, may Team Josh at Team Jameson na,” kuwento ng taga-Dos.

Kaya pala biglang nabago ang kuwento sa parte ni Jameson na noong una ay tanggap na niyang kay Joshua mapupunta si Julia, pero nitong mga nakaraang episodes ay persistent siyang ligawan ang dalaga kahit na sinabihan siyang “friends lang tayo” ay tuloy pa rin ang binata sa panliligaw.

Hindi titigil si Jameson hangga’t hindi niya mapapasagot si Julia.

Anyway, wala namang dapat ikabahala ang supporters ng JoshLia dahil in real life ay sila naman ang magkarelasyon.

Sigurado naman kami na walang planong ligawan ni Jameson ang aktres sa tunay na buhay.

Samantala, sa kuwento ng Ngayon at Kailanman, matuloy kayang makuha ni Elisse Joson (Roxanne) ang kayamanan ng Cortes na utos ni Stella (Alice Dixson)? Nagpanggap kasi ang dalaga na siya ang nawawalang anak ni Rebecca (Iza Calzado) at tagapagmana ng mga Cortes.

Pero hindi tanga si Rebecca dahil alam niyang ginagamit ni Stella si Roxanne para manmanan siya.

Abangan sa Lunes kung matutuloy ang planong pagpapahusay ni Doña Carmen (Rosemarie Gil) sa katawan ni Rodrigo (TJ Trinidad) para sa DNA test ng nagpapanggap niyang apo.

Sumang-ayon si Stella sa plano ng biyenan kasi ito naman talaga ang plano niya, ang mapaniwalang si Roxanne ang nag-iisang tagapagmana ni Rodrigo, para makuha niya ang kayamanan ng Cortes at pagkatapos ay saka niya ipaliligpit ang dalaga.

Mapapanood ang Ngayon at Kailanman pagkatapos ng FPJ’s Ang Probinsyano at sa iWant. ph anumang oras at ng libre.

-Reggee Bonoan

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...

Tulfo brothers, nanguna sa senatorial survey ng OCTA

Nanguna ang magkapatid na sina ACT-CIS Party-list Rep. Erwin Tulfo at broadcaster Ben Tulfo sa 2025 senatorial survey ng OCTA Research.Sa Third Quarter Tugon ng Masa Survey ng OCTA, 60% ng mga Pilipino ang nagsabing si Erwin ang kanilang iboboto kung ngayon ginanap ang eleksyon, habang 57% ang kay Tulfo.Sumunod naman dito si dating Senate President Vicente “Tito” Sotto III na nakatanggap ng...

Rep. Paolo Duterte, iimbitahan ng House quad comm kaugnay ng drug war ng ama

Ipinahayag ng House Quad Committee nitong Huwebes, Setyembre 19, na iimbitahan nito si Davao City First District Rep. Paolo Duterte sa susunod nilang pagdinig kaugnay ng giyera kontra droga ng administrasyon ng kaniyang amang si dating pangulong Rodrigo Duterte.Inanunsyo ito ng quad comm matapos ipahayag ni Rep. Duterte ang kagustuhan niyang magtanong sa mga resource person ng pagdinig.“The...