Nagpaabot ng pagbati si Technical Education and Skills Development Authority (TESDA) Director General/Secretary Guiling “Gene” A. Mamondiong sa Team Philippines na nagwagi sa 12th Association of Southeast Asia Nations (ASEAN) Skills Competition, tinawag na “WorldSkills Bangkok 2018”, sa Thailand nitong Agosto 31 hanggang Setyembre 2.
Nag-uwi ng silver medal si Ramon Bong Bautista, ng Region lll, sa Visual Graphic Technology. Siya rin ang nanalo ng Best in Nation award bilang nangunang competitor mula sa Pilipinas.
Bronze medallist sina Leonido Lomoljo (Zamboanga del Sur-TESDA IX) sa Refrigeration & Air Conditioning, at John Leonard Ramos (Region I) sa Hairdressing.
Walo ang tumanggap ng Medallion for Excellence kabilang sina Marc Dave Perez (Region lV-A), Restaurant Service; John Jay Abinal (Region V), Electrical Installations; Benedict Hornido (CARAGA) Graphic Design Technology; Heinrich Omlaan (Region Xl), Welding Technology; Anthony Cabigayan (Region lll), IT Software Solutions for Business; Joeminel U. Cutcharo (Region Vlll), Automobile Technology; Marvin Madla (Region lll) IT Network System Administration; at Patrick Neil Noceja (National Capital Region), Web Design and Development.
