TAGAYTAY CITY – Ilan sa Dasmariñas woodpushers ang lalahok sa Asian Universities Chess Championship na tumulak kahapon (Linggo) dito sa Tagaytay International Convention Center.

Si Woman International Master Marie Antoinette San Diego, isa sa top player nina Dasmariñas City mayor Elpidio “Pidi” Barzaga Jr., congresswoman Jenny Barzaga at national coach International Master Roel Abelgas ang mangunguna sa kampanya sa bansa.

Si San Diego na nagwagi ng bronze medal sa 2018 Philippine National Games standard chess competition sa Cebu City kamakailan ay makakasama si Woman Candidate Master Kylen Joy Mordido na magbibigay ng magandang laban para sa Dasmariñas woodpushers na kinabibilangan ng kanyang nakababatang kapatid na si Jerlyn Mae San Diego, Daniel Quizon at Justine Diego Mordido.

Ang week-long competition ay proyekto ng National Chess Federation of the Philippines (NCFP) sa pakikipagtulungan ng FIDE, Philippine Sports Commission (PSC) at ng Tagaytay City government.

Dalawang Pinoy mountaineers, sumakses sa tuktok ng Mt. Everest

Si International Master Xu Yi (Elo 2526) ng China ang top seed sa men’s division habang si Woman Grandmaster Wang Jue (Elo 2366) ng China ang top ranked sa women’s side.

Si Asian Chess Federation technical delegate Casto “Toti” Abundo ang magsisilbing tournament director.