SA edad na 56, masasabing may asim pa sa diskarte si Grandmaster Rogelio “Joey” Antonio Jr.
Ito ang katotohanan na napagtanto ng mas batang GM na si Darwin Laylo matapos matikman ang 2.5-6.5 kabiguan sa 13-time Philippine Open champion sa Philippine Chess Blitz Online Face Off Series na pinamagatang “The Fight for the Ages” kamakaialn na napanood sa You Tube channel ng National Chess Federation of the Philippines.
Panalo si Antonio sa Game 6 para makuha ang upper hand, 3.5-2.5, bago ang second half ng duwelo. Matapos makapagpahinga,hindi na lumingon pa si Antonio tungo sa dominanteng panalo kay back-to-back Philippine Open champion Laylo sa event na suportado ng National Chess Federation of the Philippines (NCFP) at inorganisa ni tournament director Philippine Executive Champion Atty. Cliburn Anthony A. Orbe.
“I thank the NCFP for giving me the opportunity to show the world that, even at 56, i can still play good, strong chess. “ sabi ni Antonio, ang Vice Champion sa nakalipas na 27th World Senior Chess Championship (50+ and 65+ Open-men and women) na ginanap sa Acqui Terme, nitong Nobyembre.
