Jun Fabon
Napatay ng riding-in-tandem ang isang delivery man ng San Miguel Corp. (SMC) matapos holdapin sa Quezon City, nitong Martes ng hapon.
Ang biktima ay kinilalang si Rolando Saldana, 50, driver ng delivery truck ng San Miguel,ng Camarin,Caloocan City
Sa ulat, dakong 4:00 ng hapon habang nagpapahinga umano si Saldana at dalawang hindi binanggit na helper, sa may Igdalig Street, Barangay. Manres,nang biglang sumulpot ang dalawang armadong suspek na sakay sa motorsiklo sabay deklara ng holdap.
50.78% examinees, pasado sa Nov. 2024 Licensure Exam for Agriculturists
Sapilitan inagaw ng mga suspek ang bag ni Saldana subalit pumalag umano ito kaya galit na binaril sa ulo ang biktima na agad nitong ikinamatay.
Mabilis na tumakas ang mga suspek sa hindi mabatid na direksiyon tangay ang bag ng biktima,na naglalaman ng mga papeles.
Hinala ng pulisya,inakala umano ng mga suspek na kolektor ang biktima kaya hinoldap siya.
Patuloy na inaalam ng awtoridad ang pagkakakilanlan ng dalawang suspek.
