Ni Beth Camia
Inilunsad ng Presidential Communications Operations Office (PCOO) ang isang mobile application na maaaring makita ng publiko ang araw-araw na aktibidad ni Pangulong Duterte.
Pinangalanan ang app bilang ‘Du30 Daily: The President Speaks’, na rito malalaman ang mga programang dadaluhan ng Pangulo, ang kanyang mga talumpati, gayundin ang mga press conference, upang ipakita ang “transparency” ng gobyerno.
Mayroon ding “tap to call” option na puwedeng humingi ng tulong o ayuda sa ilang hotlines ng pamahalaan, kabilang ang 8888 at 911 sa oras ng emergency.
