NAGNINGNING ang Filipinong si Jacob Ang makaraang mapanalunan ang overall crowns ng Formula 125 Sr. Open at X30 SR classes ng Asian Karting Open Championship kamakailan sa Kartodrome de Coloane Circuit sa Macau.

Nakatipon si Ang ng 142 puntos matapos ang apat na legs na idinaos sa Macau (Hunyo 10-11), Philippines (Agosto 26-27), Thailand (November 2-4) at Macau (Disyembre 9-10) para mapanalunan ang Formula 125 class kontra John Dizon (69 puntos) at Haopeng Zhang ng China (67 puntos).

Dinomina din nya ang X30 SR class sa ipinosteng overall 137 puntos kung saan tinalo nya ang kapwa Filipinos na si Mikey Jordan (70 puntos) at John Dizon (68 puntos) sa tulong at suporta ng San Miguel Corporation at Eagle Cement.

Ang iba pang overall winners ay sina Eduardo Coseteng (Formula 125 Jr. Open at X30 Jr), Zach David (Minirok), at Leung Pui Chiu (Formula 125 Veteran Open).

PBA, hinihingi panig ni Amores; makabalik pa kaya sa liga?

Sa huling leg sa Macau pumangalawa si Ang sa champion na si Eshan Pieris at Royce Yu sa X30 class at 1st runner up kasunod ni Royce Yu sa Formula 125 Sr Open. - Marivic Awitan